Students Protest in Barpeta : প্ৰতিবাদস্থলীলৈ ৰূপান্তৰ হ’ল গুনিয়ালগুৰি উচ্চতৰ মাধ্যমিক বিদ্যালয়

বিদ্যালয় নে প্ৰতিবাদস্থলী ? সোমবাৰে প্ৰতিবাদত উত্তাল হ’ল বৰপেটাৰ গুনিয়ালগুৰি উচ্চতৰ মাধ্যমিক বিদ্যালয় (Students Protest in Barpeta) ৷ বিদ্যালয়খনৰ অধ্যক্ষ আব্দুৰ ৰৌফে নাম ভৰ্তিৰ নামত শিক্ষাৰ্থীৰ পৰা অধিক মাচুল সংগ্ৰহ কৰাৰ অভিযোগত বিদ্যালয়খনৰ একাংশ শিক্ষাৰ্থীয়ে সাব্যস্ত কৰে প্ৰতিবাদ ৷

জনীয়া, 14 নৱেম্বৰ :গুনিয়ালগুৰি উচ্চতৰ মাধ্যমিক বিদ্যালয়ত উত্তপ্ত পৰিস্থিতি (Students Protest in Barpeta)। ছাত্ৰ-ছাত্ৰীৰ পৰা বিদ্যালয়খনৰ অধ্যক্ষ আব্দুৰ ৰৌফে অধিক মাচুল সংগ্ৰহৰ অভিযোগ উত্থাপিত হৈছে । এই অভিযোগ তৰিছে বিদ্যালয়খনত অধ্যয়নৰত একাংশ শিক্ষাৰ্থীয়ে ৷

অভিযোগ অনুসৰি, অসম উচ্চতৰ মাধ্যমিক শিক্ষা সংসদৰ অন্তৰ্গত বৰপেটা জিলাৰ গুনিয়ালগুৰি উচ্চতৰ মাধ্যমিক বিদ্যালয়ৰ একাদশ আৰু দ্বাদশ শ্ৰেণীৰ প্ৰায় 4 শতাধিক শিক্ষাৰ্থীৰ পৰা অধ্যক্ষ আব্দুৰ ৰৌফে বিভিন্ন অজুহাত দি সংগ্ৰহ কৰিছে অধিক মাচুল ৷

আনকি অধ্যক্ষ আব্দুৰ ৰৌফে নাম ভৰ্তিৰ নামত 750 টকা সংগ্ৰহ কৰাৰ লগতে মাছুল দিব নোৱাৰা দৰিদ্ৰ ছাত্ৰ-ছাত্ৰীক পৰীক্ষাত বহিবলৈ নিদিয়াৰো গুৰুতৰ অভিযোগ উত্থাপন হৈছে ৷ অৱশ্যে সংবাদ মাধ্যমৰ আগত এই সকলো অভিযোগ নস্যাৎ কৰিছে বিদ্যালয়খনৰ অধ্যক্ষ আব্দুৰ ৰৌফে ৷

কেৱল এ পি এল শ্ৰেণীৰ ছাত্ৰ-ছত্ৰীৰ পৰাহে মাচুল সংগ্ৰহ কৰিছে বুলি সংবাদ মাধ্যমৰ আগত মন্তব্য কৰে অধ্যক্ষগৰাকীয়ে ।

ইফালে সোমবাৰে বিদ্যালয়খনৰ পৰিস্থিতি কিছু বিষম হোৱাত ঘটনাস্থলীত উপস্থিত হয় কলগাছিয়া থানাৰ আৰক্ষী ৷ কিন্তু প্ৰতিবাদকাৰী শিক্ষাৰ্থীয়ে বিদ্যালয়ৰ প্ৰৱেশদ্বাৰ বন্ধ কৰি অধ্যক্ষৰ বিৰুদ্ধে বিভিন্ন ধৰণৰ শ্ল’গান দি পৰিৱেশ উত্তাল কৰি তোলে (Kalgachia Students Protest Against Principal) । পৰৱৰ্তী সময়ত এই সন্দৰ্ভত বিভাগীয় কৰ্তৃপক্ষই কি ব্যৱস্থা গ্ৰহণ কৰিব সেয়া সময়তহে হ’ব লক্ষণীয় ।

লগতে পঢ়ক :Protest in Dhemaji : জনজাতিকৰণৰ দাবীত ধেমাজিত কোচ ৰাজবংশীৰ প্ৰতিবাদ