বেঁকী নৈৰ বাঢ়নী পানীত জলমগ্ন কলগাছিয়া

কলগাছিয়াত বেঁকী নৈৰ বাঢ়নি পানীৰ ফলত জলমগ্ন কলগাছিয়া ৰাজহ চক্ৰৰ প্ৰায় 20 খন গাঁও। ভুটানৰ কুৰিশ্ব বান্ধৰ পানী এৰি দিয়াৰ ফলতেই জলমগ্ন হৈছে গাঁও কেইখন । ২ সহস্ৰাধিক পৰিয়াল প্লাবিত হোৱাৰ লগতে শ শ বিঘা ইৰী, বড়ো আৰু শাক-পাচলিৰ খেতিৰ বিস্তৰ ক্ষতি । বান সাহাৰ্যৰ দাবী বানাক্ৰান্তৰ ।

বৰপেটা, 23 মে’: ভূটানৰ কুৰিশ্ব বান্ধৰ পানী এৰি দিয়াৰ ফলত বেঁকী নৈৰ জলপৃষ্ঠ বৃদ্ধি হৈ বৰপেটা জিলাৰ কলগাছিয়া আৰু বৰনগৰ ৰাজহ চক্ৰৰ প্ৰায় 20 খন গাঁও জলমগ্ন হৈ পৰে । শনিবাৰে ৰাতিপুৱাৰে পৰা বেকী নদীৰ জলপৃষ্ঠ বৃদ্ধি হোৱাত আতংকিত হৈ পৰে নৈপৰীয়া ৰাইজ । ইতিমধ্যে বৰনগৰ ৰাজহ চক্ৰৰ কামাৰপাৰা, বৰডাঙ্গাকে ধৰি কলগাছিয়া ৰাজহ চক্ৰৰ শ্ৰীৰামপুৰ, গলীয়া, লাচাংগা, বলাইপথাৰ, ডাউকমাৰি, খাৰবাল্লী, শওপুৰ, কলগাছিয়া আদি গাঁওসমূহ এতিয়া পানীৰ তলত ।

হঠাৎ ভূটানৰ কুৰিশ্ব বান্ধৰ পানী এৰি দিয়াৰ ফলত ইতিমধ্যে শ শ বিঘা ইৰি, বড়ো ধান, মৰাপাট খেতিৰ লগতে শাক-পাচলিৰ খেতি পানীত ডুব গৈ খেতিয়কৰ বিস্তৰ ক্ষতিসাধন হৈছে বুলি জানিব পৰা গৈছে । বানপানীত আবদ্ধ লোকসকলক অতি শীঘ্ৰে বান সাহাৰ্য্য দিয়াৰ দাবী জনাইছে স্থানীয় ৰাইজে ।

লগতে পঢ়ক: কুৱাৰ ভিতৰত উদ্ধাৰ 9গৰাকী শ্ৰমিকৰ মৃতদেহ