কলগাছিয়াত পথ দুৰ্ঘটনা: আহত দুজন

কলগাছিয়াত সংঘটিত হোৱা পথ দুৰ্ঘটনাত গুৰুতৰ ভাৱে আহত হয় দুজন যুৱক ৷ আহত দুজনক প্ৰেৰণ কৰা হয় গুৱাহাটী মেডিকেল কলেজলৈ ৷ মটৰ চাইকেলেৰে গৈ থকাৰ সময়তে সংঘটিত হয় পথ দুৰ্ঘটনাটো ৷

জনীয়া,10ফেব্ৰেুৱাৰী: মংগলবাৰে কলগাছিয়া ষ্টেট বেংকৰ সন্মুখত সংঘটিত হয় এক ভয়ংকৰ পথ দুৰ্ঘটনা ৷ সৰভোগ কলগাছিয়া গড়কাপ্তানী পথত সংঘটিত হয় এই দুর্ঘটনা ৷ দুৰ্ঘটনাটোত দুজন লোক গুৰুতৰ ভাৱে আহত হয় ৷ আহত দুজন খন্দ নাজিবুল আৰু খাইৰুল ইছলাম বুলি জানিব পৰা গৈছে ৷ তীব্ৰবেগত মটৰ চাইকেলেৰে আহি থকাৰ সময়তে সংঘটিত হয় এই দুৰ্ঘটনাটো ৷

কলগাছিয়াত পথ দুৰ্ঘটনা:আহত দুজন

প্ৰাপ্ত খবৰ অনুসৰি, খৰিচালাৰ পৰা কলগাছিয়ালৈ মটৰ চাইকেলেৰে তীব্ৰ বেগেৰে গৈ আছিল নাজিবুল আৰু ইছলামে ৷ তেনে সময়তে উক্ত ঘটনাটো সংঘটিত হয় ৷ স্থানীয় ৰাইজে প্ৰকাশ কৰা অনুসৰি, মটৰ চাইকেলেৰে গৈ থকাৰ সময়তে যুৱক দুজনে ব্ৰেক মাৰি দিয়ে আৰু মটৰ চাইকেলৰ পৰা পৰি যায় ৷ ইয়াৰ পাচতেই টেক্টৰৰ সন্মুখত পৰি যায় যুৱক দুজন ৷ যাৰ ফলত গুৰুতৰ ভাৱে আহত হয় নাজিবুল আৰু ইছলাম ৷

ইফালে, ঘটনা সংঘটিত হোৱাৰ পাচতেই স্থানীয় ৰাইজে যুৱক দুজনক উদ্ধাৰ কৰি প্ৰেৰণ কৰে বৰপেটাৰ ফখৰুদ্দিন আলী আহমেদ মেডিকেল কলেজলৈ ৷ কিন্তু যুৱক দুজনৰ স্বাস্থ্য অধিক অৱনতি ঘটাত পাচলৈ দুয়োজনকে প্ৰেৰণ কৰা হয় গুৱাহাটী মেডিকেল কলেজলৈ ৷

অন্য এক খবৰৰ বাবে: বিদ্যালয় প্ৰাদেশীকৰণত ভেকুভাওনাৰ অভিযোগ প্ৰাথমিক শিক্ষক সন্থাৰ