বৰপেটাৰোড ৪ ফেব্ৰুৱাৰীঃ বৰপেটাৰ সৰভোগস্থিত মইনবড়ী সত্ৰৰ সত্ৰাধিকাৰৰ পুত্ৰ লগতে মইনবড়ী সত্ৰ উন্নয়ন সমিতিৰ সম্পাদক অপূৰ্ব অধিকাৰীক ইছলামিক জেহাদী সংগঠন জেএমবিৰ ভাবুকি পত্ৰ প্ৰদান কৰা ঘটনাই তীব্ৰ চাঞ্চল্যৰ সৃষ্টি কৰিছে ৷ তথ্য অনুসৰি, বিগত 5 জানুৱাৰীত মইনবড়ী সত্ৰৰ সত্ৰাধিকাৰৰ বাসভৱনৰ গেটত এখন ভাবুকি পত্ৰ দি থৈ গৈছিল কোনো দুৰ্বৃত্তই ৷ পত্ৰখন লাভ কৰাৰ দুদিন পাছত মইনবড়ী সত্ৰ উন্নয়ন সমিতিৰ সম্পাদক অপূৰ্ব অধিকাৰীয়ে পত্ৰখন খুলি চোৱাত পত্ৰখনৰ জৰিয়তে মন্ত্ৰী হিমন্ত বিশ্ব শৰ্মা, জয়ন্ত মল্ল বৰুৱা আৰু অপূৰ্ব অধিকাৰীক হত্যাৰ ভাবুকি দিয়া বুলি জানিবলৈ দিয়ে ৷ লগতে উল্লেখিত তিনিওজন ব্যক্তিক ইছলামৰ চিৰ শত্ৰু বুলিও পত্ৰখনত অভিহিত কৰে ৷
হিমন্ত বিশ্ব শৰ্মা, জয়ন্ত মল্ল বৰুৱা আৰু অপূৰ্ব অধিকাৰীলৈ মৃ্ত্যুৰ ভাবুকি ! - সৰভোগস্থিত মইনবড়ী সত্ৰৰ সত্ৰাধিকাৰৰ পুত্ৰলৈ জেএমবিৰ পত্ৰ প্ৰদান
বৰপেটাৰ সৰভোগস্থিত মইনবড়ী সত্ৰৰ সত্ৰাধিকাৰৰ ভতিজা ছোৱালীক অপহৰণ কৰা হোৱা নাছিল প্ৰেমৰ বাবেহে পলুৱাই নিয়া হৈছিল বুলি উল্লেখ জেএমবিয়ে প্ৰদান কৰা পত্ৰত ৷
মন্ত্ৰী হিমন্ত বিশ্ব শৰ্মা, জয়ন্ত মল্ল বৰুৱা আৰু অপূৰ্ব অধিকাৰীক হত্যাৰ ভাবুকি
লগতে পঢ়কঃ গোৱালাপাৰৰ ৰংজুলিত শোকাৱহ বাছ দুৰ্ঘটনাঃ এইপৰ্যন্ত নিহত 6 জন
আনহাতে পত্ৰখনৰ গোপনীয়তা ৰাখিবলৈয়ো উল্লেখ হয় এই পত্ৰখনত ৷ ইয়াৰোপৰি পত্ৰখনত সত্ৰৰ সত্ৰাধিকাৰৰ ভতিজা ছোৱালীক অপহৰণ কৰা হোৱা নাছিল প্ৰেমৰ বাবেহে পলুৱাই নিয়া হৈছিল বুলি উল্লেখ কৰে ৷ ইতিমধ্যে এই ঘটনা সন্দৰ্ভত সম্পাদক অপূৰ্ব অধিকাৰীয়ে 19 জানুৱাৰীত সৰভোগ আৰক্ষী থানাত এখন এজাহাৰ দাখিল কৰিছে ৷ উল্লেখ্য যে, CAA বিৰোধী আন্দোলন চলি থকাৰ সময়ত চলিত বৰ্ষৰ ৫ জানুৱাৰীত প্ৰদান কৰা এই পত্ৰখনে ৰহস্যৰ সৃষ্টি কৰিছে ৷