বৰপেটা, 12 মে’: প্ৰত্যেক দিনাই ৰাজ্যৰ ভিন্ন স্থানৰ যুৱক-যুৱতীয়ে আলফা (স্বা) ত যোগদান কৰাৰ উদ্দেশ্যে ঢাপলি মেলিছে অৰণ্যলৈ (Youths joining Ulfa I) ৷ এই সন্দৰ্ভত বৰপেটাত মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাই বহুতে পাৰিবাৰিক সংঘাতৰ বাবেও আলফাত যোগদান কৰিব পাৰে বুলি মন্তব্য কৰে (Jayanta Malla Baruah reacts over youths joining Ulfa I) ৷
লগতে প্ৰতি বছৰে এজন দুজন বা দহজন ল'ৰা আলফালৈ গৈ থাকেই ৷ ৰাজ্যৰ তিনি কোটি ত্ৰিশ লাখ লোকৰ মাজত ক’ৰবাত দহজন বা বিশজন লোক যোৱাৰ কথাটোক আলফাৰ প্ৰতি আকৰ্ষিত হোৱা বুলি মানি ল‘ব নোখোজে জয়ন্ত মল্ল বৰুৱাই ৷
ৰাজ্যৰ ভিন্ন স্থানৰ যুৱক-যুৱতীয়ে আলফাত যোগদান সন্দৰ্ভত জয়ন্ত মল্ল বৰুৱাৰ মন্তব্য
’’অসমৰ ৰাইজে শান্তি বিচাৰিছে আৰু অসমখন প্ৰগতিৰ দিশেৰে আগুৱাই যোৱাতো বিচাৰিছে ৷ আলফা নেতৃত্বয়ো শান্তিৰ পৰিৱেশৰ মাজেৰে সমাধান বিচাৰিছে আৰু চৰকাৰেও সেই দিশেৰেই আগবাঢ়িছে’’ বুলি মন্তব্য কৰে ৰাজনৈতিক সচিবগৰাকীয়ে ৷