জনিয়াত বানৰ ভয়াৱহ ৰূপঃ গড়কাপ্তানী পথৰ ওপৰেৰে বাগৰিছে পানী

দেওবাৰে পুৱতি নিশা হঠাৎ অহা বানে হাহাকাৰ অৱস্থাৰ সৃষ্টি কৰে জনিয়া সমষ্টিৰ লাচাংগা গাঁৱত ৷ কলগাছিয়া-টেঙাগাঁও গড়কাপ্তানী পথৰ ওপৰেদি পানী বৈ যোৱাত আৰু লাচাংগা-মোৱামাৰী পথখন কেবা ঠাইত ছিঙি যায় ৷

জনিয়া,12 জুলাইঃৰাজ্যৰ উজনি নামনিৰ কেইবাখনো নদীয়ে ইতিমধ্যেই প্লাবিত কৰি তুলিছে বিস্তীৰ্ণ অঞ্চল ৷ বৰপেটা জিলাৰ জনিয়া সমষ্টিটো ভয়াৱহ হৈ পৰিছে বেঁকী নৈৰ বানে ৷ সঘনাই ভূটানৰ কুৰিশ্বু বান্ধৰ পানী এৰি দিয়াৰ ফলত বেঁকী নৈৰ জলপৃষ্ঠ ক্ৰামাৎ বৃদ্ধি পাইছে ৷ ইয়াৰ মাজতে দেওবাৰে পুৱতি নিশা সমষ্টিতোৰ লাচাংগা গাওঁত হঠাৎ অহা বানে হাহাকাৰ অৱস্থাৰ সৃষ্টি কৰিছে অঞ্চলটোৰ ৰাইজৰ মাজত ৷

সমান্তৰালকৈ কলগাছিয়া-টেঙাগাঁও গড়কাপ্তানী পথৰ ওপৰেদি পানী বৈ যোৱাৰ ফলত লাচাংগা-মোৱামাৰী পথটো কেবা ঠাইত ছিঙি যায় ৷ অৱশেষত উপায়ন্তৰ ৰাইজে বাঁহ, খেৰ, কলগছেৰে পানী সোমোৱাত বাধা দিবলৈ চেষ্টা অব্যাহত ৰাখিছে ৷ কিন্তু এই লোকসকলক উদ্ধাৰৰ ক্ষেত্ৰত বৰপেটা জিলা প্ৰশাসন তথা গাঁও পঞ্চালয়তৰ কোনো লোকে গুৰুত্ব প্ৰদান নকৰাৰ অভিযোগ উত্থাপন কৰিছে ৰাইছে ৷

লগতে পঢ়ক- জিএমচিএইছত ভৰ্তি কৃষক নেতা অখিল গগৈক