নাগৰিকত্ব সংশোধনী আইনৰ বিৰুদ্ধে গোচৰ অসম ৰাজ্যিক জমিয়তৰ

প্ৰতিবাদকাৰীক অত্যাচাৰ নকৰিবলৈ চৰকাৰক সকিয়নী প্ৰদান কৰাৰ লগতে চৰকাৰে প্ৰশাসনৰ অপব্যৱহাৰ কৰাৰ অভিযোগ তুলি চৰকাৰক গৰিহণা দিয়ে বিধায়ক হাফিজ ৰফিকুল ইছলামে ৷

জনিয়া,16 ডিচেম্বৰঃ নাগৰিকত্ব সংশোধনী আইন 2019ৰ বিৰুদ্ধে মহামান্য উচ্চ ন্যায়ালয়ত গোচৰ অসম ৰাজ্যিক জমিয়তৰ।

অসম চুক্তিক নস্যাৎ কৰি হিটলাৰী পদ্ধতিৰে কেন্দ্ৰ আৰু ৰাজ্য চৰকাৰে নাগৰিকত্ব সংশোধনী আইন 2019 গৃহীত কৰা বুলি মন্তব্য কৰে জনীয়াৰ বিধায়ক ডঃ হাফিজ ৰফিকুল ইছলামে।

আনহাতে,মহামান্য উচ্চ ন্যায়ালয়ৰ কেচ ডায়েৰী নম্বৰ ৪৫৫০৩/২০১৯ বুলি উল্লেখ কৰে বিধায়ক গৰাকীয়ে। প্ৰতিবাদকাৰীক অত্যাচাৰ নকৰিবলৈ চৰকাৰক সকীয়নি প্ৰদান কৰাৰ লগতে চৰকাৰে প্ৰশাসনৰ অপব্যৱহাৰ কৰাৰ অভিযোগ তুলি চৰকাৰক গৰিহণা দিয়ে বিধায়ক হাফিজ ৰফিকুল ইছলামে ৷ তাৰোপৰি চৰকাৰে নিজৰ ব্যৰ্থতা ঢাকিবলৈ অখিল গগৈ আৰু আছুৰ নেতা সকলক গ্ৰেপ্তাৰ কৰা বুলি মন্তব্য কৰে ৷ লগতে গণতান্ত্ৰিক আন্দোলন কৰা কৃষক নেতা অখিল গগৈক মুকলি কৰি দিয়াৰো দাবী জনাই বিধায়ক গৰাকীয়ে ।

আৰু পঢ়কঃ দৰঙত জৰুৰীভাৱে অৱতৰণ ভাৰতীয় সেনাৰ হেলিকপ্টাৰ