জনীয়া,২০ এপ্ৰিল: দীৰ্ঘদিন ধৰি জটিল ৰোগত আক্ৰান্ত হৈ আছে বৰপেটাৰ কলগাছিয়াৰ আব্দুল লতিফ নামৰ এজন লোক । কলগাছিয়াৰ বনঘুগি গাঁৱৰ আব্দুলে পৰ্যাপ্ত ধন নথকাৰ বাবেই উন্নত চিকিৎসা লাভৰ পৰিৱৰ্তে বিচনাতে থাকিবলগীয়া হৈছে । বহুদিন ধৰি বৃক্কৰ সমস্যাত ভূগি আছে লোকজনে ।
উপযুক্ত চিকিৎসা লাভৰ পৰা বঞ্চিত হ'বলগীয়া হৈছে কলগাছিয়াৰ আব্দুল লতিফে
ইতিমধ্যে, ঘৰৰ বিভিন্ন সামগ্ৰী বিক্ৰী কৰি গুৱাহাটীত চিকিৎসা গ্ৰহণ কৰিছে যদিও সুফল পোৱা নাই । চিকিৎসকে পৰামৰ্শ দিছে যে বহিঃৰাজ্যৰ উন্নত চিকিৎসালয়ত চিকিৎসা গ্ৰহণ কৰিলে সোনকালে আৰোগ্য হৈ উঠিব আব্দুল । কিন্তু বহিঃৰাজ্যলৈ গৈ চিকিৎসা কৰিবলৈ দৰিদ্ৰ পৰিয়ালটো আৰ্থিকভাৱে অপাৰগ ৷ পৰিয়ালটোৰ একমাত্ৰ উপাৰ্জনকাৰী হৈছে আব্দুল । এতিয়া আব্দুল অসুস্থ হৈ পৰাত পৰিয়ালটো যথেষ্ট অসুবিধাত পৰিছে । আব্দুলৰ চিকিৎসাৰ বাবে দল-সংগঠন অথবা হৃদয়বান ব্যক্তিৰ পৰা সহায় বিচাৰিছে পৰিয়ালটোৱে ।