জনিয়া, 11 অক্টোবৰঃ দিপাৱলীৰ বাবে নহয় এগৰাকী মহিলাক পত্নী মৰ্যদা নিদিয়াৰ ফলত বৰপেটা সদৰ আৰক্ষী থানাৰ এলেকাধীন মহম্মদপুৰ গাঁৱত বৃহস্পতিবাৰে নিশা আতচবাজীৰ বৰষুণ ৷ ভুক্তভোগী যুৱতীৰ অভিযোগ অনুসৰি, উক্ত গাঁৱৰে অৱসৰপ্ৰাপ্ত শিক্ষক জালাল উদ্দিন আহমেদৰ একমাত্ৰ পুত্ৰ মোৱাজ্জেম হুছেইনে 4 বছৰে এগৰাকী যুৱতীৰ লগত চলি থকা প্ৰেমৰ সম্পৰ্কৰ পাচত চলিত বৰ্ষৰ ১৬ ছেপ্টেম্বৰত আইনী প্ৰক্ৰিয়াৰ দ্বাৰা মোৱাজ্জেম হুছেইনে প্ৰেমিকাক পত্নী হিচাপে স্ৱীকৃতি দিয়ে। ইয়াৰোপৰি নিকাহ পঢ়াই ইছলাম ধৰ্মৰ নীতি-নিয়ম অনুসৰিও যুৱতীগৰাকীক পত্নীৰ মৰ্যদা প্ৰদান কৰে মোৱাজ্জেম হুছেইনে।
বিয়াৰ প্ৰলোভনেৰে প্ৰেমিকৰ প্ৰতাৰণা উল্লেখ্য যে, মোৱাজ্জেমে বিয়াৰ পাচত পত্নীক ঘৰলৈ অনা নাছিল যদিও হোটেলত পত্নীৰ স'তে নৈশ যাপন কৰিছিল । কিন্তু হঠাতে পত্নীয়ে স্বামীৰ অন্য যুৱতীৰ স'তে বিবাহৰ যো-জা চলাৰ কথা জানিবলৈ পায় বৃহস্পতিবাৰে নিশা স্বামী গৃহত উপস্থিত হয় ৷ স্বামী গৃহত উপস্থিত হোৱাৰ পাচতে মোৱাজ্জেমৰ মাক, ভনীয়েক আৰু জোঁৱায়েকে মহিলাগৰাকীক শাৰীৰিকভাৱে প্ৰহাৰ কৰি নিশা গেটৰ বাহিৰত ওলাই দিয়াৰ অভিযোগ উত্থাপন মোৱাজ্জেমৰ পত্নীয়ে ৷
পাচত মোৱাজ্জেমৰ পত্নীৰ কন্দোন শুনি শতাধিক গাঁৱৰ ৰাইজ উপস্থিত হৈ ঘটনাৰ বুজ লয় ৷ মোৱাজ্জেম আৰু তেওঁৰ পৰিয়ালৰ বিৰুদ্ধে বিহিত ব্যৱস্থা গ্ৰহণ কৰাৰ উপৰিও ভুক্তভোগী মহিলাগৰাকীক ন্যায় দিয়াৰ দাবী উত্থাপন কৰে ৰাইজে । উল্লেখ্য যে ওচৰ চুবুৰীয়াৰ লগত কোনো সম্পৰ্ক নৰখা অৱসৰপ্ৰাপ্ত শিক্ষক জালল উদ্দিনৰ পৰিয়ালে মহিলাগৰাকীৰ স'তে এনে ঘটনা সংঘটিত কৰাৰ বাবে একাংশ যুৱকে আতচবাজী ফুটাই ঘটনাৰ বিৰোধিতা কৰে ৷
