বৰপেটা, 19 নৱেম্বৰ : অত্যাৱশ্যকীয় সামগ্ৰীৰ আকাশলংঘী মূল্যবৃদ্ধিৰ বিৰুদ্ধে এইবাৰ ৰাজপথলৈ ওলাল কংগ্ৰেছী সাংসদ আৰু বিধায়ক ৷ বৃহস্পতিবাৰে বৰপেটাত এক বিশাল পদযাত্ৰাৰ আয়োজন কৰে দুই কংগ্ৰছী নেতা ৷ মূল্যবৃদ্ধিৰ লগতে ভুল বিত্তীয় ব্যৱস্থাপনাৰ বাবে জনসাধাৰণক জাগ্ৰত কৰাৰ উদ্দেশ্যে এই পদযাত্ৰা কৰা হয় ৷
মূল্যবৃদ্ধি, দেশৰ ভুল অৰ্থনীতি, চৰকাৰৰ লুটৰাজ আৰু দেশখন পুঁজিবাদী ওচৰত বন্ধকত দিয়া প্ৰৱণতাই দেশখন সৰ্বস্বান্ত কৰাৰ আশংকা প্ৰকাশ কৰে তেওঁলোকে ৷ এইদৰেই যদি চৰকাৰখনে সাধাৰণ ৰাইজৰ কথা নাভাবি ৰাজতন্ত্ৰৰ নীতিৰে চৰকাৰ চলায় গৈ থাকে তেনেহ’লে বিজেপি দল পুনৰ শাসনলৈ আহিব নোৱাৰিব বুলি মন্তব্য কৰি বিজেপি দলক আশা বাদ দিবলৈ আহ্বান জনায় বৰপেটাৰ প্ৰাক্তন বিধায়ক আব্দুৰ ৰহিম খানে ৷
বৰপেটাত কংগ্ৰেছী নেতাৰ নেতৃত্বত বিশাল জনজাগৰণ অভিযান পদযাত্ৰা