Illegal sand mining : অবৈধখননে অশনি সংকেত কঢ়িয়াই আনিছে শোনাপুৰলৈ

শোনাপুৰ বেকী নৈৰ কাষত একাংশ অসাধু চক্ৰই টেক্টৰেৰে চলাইছে অবৈধ মাটিখনন (Illegal sand mining in Barpeta) । নিৰ্বিকাৰ বন বিভাগ । অবৈধ মাটিখনন বন্ধ কৰাৰ দাবী স্থানীয় ৰাইজৰ ।

জনীয়া, 19 জানুৱাৰী : বৰপেটা জিলাৰ জনীয়া বিধানসভা সমষ্টিৰ অন্তৰ্গত শোনাপুৰ-ৰুভি গাঁও পঞ্চায়তৰ শোনাপুৰ বেকী নৈৰ কাষত দিনে নিশাই টেক্টৰেৰে চলাইছে অবৈধ মাটিখনন(Illegal sand mining in Barpeta) । বিগত প্ৰায় দুই বছৰ ধৰি একাংশ অসাধু চক্ৰই নিশা দুই বজাৰ পৰা সন্ধিয়ালৈকে অবৈধভাৱে টেক্টৰেৰে চলাইছে এই খনন কাৰ্য । ফলত শোনাপুৰ গাঁও বেঁকী নৈত জাহ যোৱাৰ আশংকা কৰিছে গাঁওবাসী ৰাইজে ।

ইপিনে মাটিৰগৰাকী ছিদ্দিক মৌলবী আৰু আব্দুল খালেকক বাৰম্বাৰ বাধা দিয়া সত্বেও কেৱল নিজৰ পকেট গৰম কৰাৰ স্বাৰ্থত এই চক্ৰটোৱে বিক্ৰী কৰি আহিছে মাটি । পুলিচ প্ৰশাসনক অৱগত কৰাৰ পিছতো কোনো ধৰণৰ ব্যৱস্থা নকৰাত ক্ষোভিত হৈ পৰিছে ভুক্তভোগী ৰাইজ । সেয়ে অবৈধভাৱে টেক্টৰেৰে চলোৱা এই মাটিখনন বন্ধ কৰাৰ দাবী জনাইছে স্থানীয় ৰাইজে ।

লগতে পঢ়ক :ইটা ভাটাৰ মালিকৰ দ্বাৰা কুৰুৱাবাহী সত্ৰৰ ভূমি দখলৰ ষড়যন্ত্ৰ