জনীয়া, 18 আগষ্ট : কলগাছিয়াত মঙলবাৰে নথি-পত্ৰ নথকা আৰু পঞ্জীয়ন নকৰা ফাৰ্মাচী ছীল কৰিলে প্ৰশাসনে । কলগাছিয়াৰ ৰাজহ চক্ৰৰ চক্ৰ বিষয়াৰ উপস্থিতিত ঔষধ পৰিদৰ্শকে ছীল কৰিলে কেইবাখনো ফাৰ্মাচী ৷ বাতৰি প্ৰস্তুত কৰা পৰ্যন্ত তিনিখনকৈ দোকান ছীল কৰে আৰু কলগাছিয়াৰ আন আন স্থানত থকা ফাৰ্মাচীসমূহত অভিযান চলোৱা বুলি জানিব পৰা গৈছে ।
অনুজ্ঞা পত্ৰহীন ফাৰ্মাচী ছীল
উল্লেখ্য যে, কলগাছিয়াত কাঠ ফুলাৰ দৰে গঢ়ি উঠিছে নথি-পত্ৰহীন অবৈধ ফাৰ্মাচী । নথি-পত্ৰহীন ফাৰ্মাচী ছীল কৰি দিয়াক লৈ তীব্ৰ চাঞ্চল্যৰ সৃষ্টি হৈছে সমগ্ৰ কলগাছিয়াত ৷ ভুৱা অনুজ্ঞাপত্ৰক লৈ এতিয়া সতৰ্ক হৈছে ৰাজ্যৰ আৰক্ষী-প্ৰশাসন ৷