অবৈধ সুৰাৰ বিৰুদ্ধে আবকাৰী বিভাগৰ অভিযান

বৃহস্পতিবাৰে বৰপেটা, পাঠশালা লগতে জিলাখনত অবৈধ সুৰাৰ বিৰুদ্ধে আবকাৰী বিভাগে অভিযান চলায় বৃহৎ পৰিমাণৰ অবৈধ সুৰা জব্দ কৰাৰ লগতে সাত জনকৈ লোকক আটক কৰিবলৈ সক্ষম হয় ৷

বৰপেটা, 26 জুলাইঃ বৃহস্পতিবাৰে বৰপেটা, পাঠশালাকে ধৰি জিলা খনৰ বিভিন্ন অঞ্চলত অবৈধ সুৰাৰ বিৰুদ্ধে আবকাৰী বিভাগে অভিযান চলায় বৃহৎ পৰিমাণৰ অবৈধ সুৰা জব্দ কৰাৰ লগতে সাতজনকৈ লোকক আটক কৰিবলৈ সক্ষম হয় ৷ উল্লেখযোগ্য যে, সত্ৰনগৰী বৰপেটাকে ধৰি জিলাখনৰ গাঁৱে ভূঞে দিনক দিনে বৃদ্ধি পাই আহিছিল অবৈধ সুৰাৰ বেহা ৷ সেয়ে ইয়াৰ বিৰুদ্ধে বিভিন্ন দল সংগঠনৰ লগতে ৰাইজে দাবী, প্ৰতিবাদ, সভা সমিতি অনুষ্ঠিত কৰি অহাৰ পাছতো বন্ধ হোৱা নাছিল সুৰাৰ মুকলি বেহা ৷ অৱশেষত বৃহস্পতিবাৰে আবকাৰী বিভাগে এই অভিযান চলোৱাত ৰাইজে আদৰণি জনাইছে ৷ অৱশ্যে আৰু কিমান দিনলৈকে এই অভিযান সক্ৰিয় হৈ থাকে সেয়া নিশ্চিতভাৱে লক্ষণীয় হ'ব ৷