জনীয়া, 17 মাৰ্চ :মুখ্যমন্ত্ৰী ড৹ হিমন্ত বিশ্ব শৰ্মাই বলিউড ছবি দ্য কাশ্মীৰ ফাইল্ছ (The Kashmir Files) উপভোগ কৰাৰ বাবে নিৰ্দেশনাযোগে চৰকাৰী কৰ্মচাৰীসকলৰ বাবে অৰ্ধ ছুটী ঘোষণা কৰা(Half day leave for government staff in Assam) বিষয়ক লৈ প্ৰতিক্ৰিয়া ব্যক্ত কৰিছে অসম প্ৰদেশ তৃণমূল কংগ্ৰেছৰ নেতা আব্দুল জলিল তালুকদাৰে(Assam Pradesh Trinamool Congress leader Abdul Jalil Talukdar) ৷ তৃণমূল কংগ্ৰেছৰ নেতাগৰাকীয়ে চৰকাৰী কাম-কাজ বন্ধ কৰি কৰ্মচাৰীসকলক ছুটী দি চিনেমাখন চোৱাৰ বাবে উৎসাহিত কৰা আৰু ছবিখন চোৱাৰ পাছত তেওঁলোকে শীৰ্ষ কৰ্তৃপক্ষক টিকট জমা দিবলৈ কোৱাটো ভৱিষ্যতৰ কাৰণে ৰহস্যজনক বুলি মন্তব্য কৰে ৷
আব্দুল জলিল তালুকদাৰে বৃহস্পতিবাৰে সাংবাদিকৰে হোৱা এক সাক্ষাৎকাৰত এই প্ৰতিক্ৰিয়া ব্যক্ত কৰে ৷ তেওঁ দ্য কাশ্মীৰ ফাইল্ছত কাশ্মিৰী পণ্ডিতৰ দৰে 1983 চনত গহপুৰত 8,000 লোকে মৃত্যুবৰণ কৰা তথা তেওঁলোকৰ ঘৰ-বাৰী জ্বলাই দিয়া ঘটনাৰ তদন্তৰ প্ৰতিবেদন ৰাজহুৱা কৰাৰ দাবী জনায় ৷ তেওঁ লগতে 2019 চনত এন আৰ চিৰ তালিকা প্ৰকাশ কৰাৰ পাছত নাগৰিকত্বৰ পৰা বঞ্চিত হোৱা আৰু হাৰাশাস্তিৰ সন্মুখীন হোৱা লোকসকলৰ খতিয়ান তৈয়াৰ কৰাৰ দাবী উত্থাপন কৰে ৷