বৰপেটা, 14 এপ্ৰিল : বাক্সাত হাগ্ৰামা মহিলাৰীৰ বিশাল নিৰ্বাচনী প্ৰচাৰ সভা ৷ কোকৰাঝাৰ লোকসভা সমষ্টিৰ বিজেপিৰ মিত্ৰজোঁট তথা বিপিএফৰ প্ৰাৰ্থী প্ৰমীলাৰাণী ব্ৰহ্মৰ হৈ নিৰ্বাচনী প্ৰচাৰত অংশ লয় বিটিছি প্ৰধান হাগ্ৰামা মহিলাৰীয়ে ৷
দেওবাৰে বাক্সা জিলাৰ ছলিকান্দাত প্ৰমীলাৰাণী ব্ৰহ্মৰ সমৰ্থনত অনুষ্ঠিত বিশাল জনসভাত মুখ্য অতিথি হিচাপে উপস্থিত থাকে বিটিচি প্ৰধান হাগ্ৰামা মহিলাৰী ৷ হাগ্ৰামাৰ লগতে প্ৰচাৰসভাত উপস্থিত থাকে সাংসদ বিশ্বজিৎ দৈমাৰীকে ধৰি অন্যান্য নেতাকৰ্মীসকল ৷ এই সভাত হাগ্ৰামা মহিলাৰীয়ে নৱ কুমাৰ শৰণীয়াক ক্ষুৰধাৰ সমালোচনা কৰাৰ লগতে বদৰুদ্দিন আজমলৰ লগত বিপিএফৰ লগত গোপন বুজাবুজি আছে বুলি কথা প্ৰসংগত উল্লেখ কৰে৷ অসমত ৰাহুল গান্ধী বা প্ৰিয়ংকা গান্ধীৰ কোনো প্ৰভাৱ নপৰে বুলি কৈ কোকৰাঝাৰত প্ৰমীলা ৰাণী ব্ৰহ্মৰ জয় নিশ্চিত বুলিও জনসভাত ঘোষণা কৰে মুখ্যমন্ত্ৰী সৰ্বানন্দ সোণোৱালে ৷
