বৰপেটা,১১ ফেব্ৰুৱাৰী:বৃহস্পতিবাৰে "ভয়ৰ পৰা স্বাধীনতা" শীৰ্ষক এক সজাগতা সভাৰ উদ্দেশ্যে চেঙা সমষ্টিৰ পশ্চিম খঙৰাত উপস্থিত হয় লাউছৰ প্ৰতিষ্ঠিত ব্যৱসায়ী তথা হোজাইৰ বাসিন্দা হাবিব মহম্মদ চৌধুৰী। একাংশ বিজেপি দলৰ নেতা-কৰ্মীয়ে আয়োজন কৰা এই সজাগতা সভাত শিক্ষাৰ ওপৰত বক্তব্য প্ৰদান কৰাৰ লগতে একাংশ মুছলমান ধৰ্মগুৰুৱে মুছলমানসকলক ভয় দেখুৱাই থকা বুলি নিজৰ ভাষণত উল্লেখ কৰে চৌধুৰীয়ে ।
তাৎপৰ্যপূৰ্ণভাৱে হিমন্ত বিশ্ব শৰ্মাই এখন সভাত মিঞাৰ ভোট নালাগে বুলি কোৱা মন্তব্যৰ উত্তৰত হাবিব মহম্মদ চৌধুৰীয়ে কৌশলগতভাৱে সেই প্ৰশ্ন এৰাই চলে । ইপিনে, কোনো ধৰ্মই আন কোনো ধৰ্মক বেয়া নকয় ,গালি নিদিয়ে বুলি উল্লেখ কৰি যদি সত্যৰঞ্জন বৰাই সাম্প্ৰদায়িক মন্তব্য কৰিছে তেন্তে তেওঁ বেয়া কৰিছে বুলি মন্তব্য কৰে চৌধুৰীয়ে । আনহাতে বিধায়ক হোৱাৰ ইচ্ছা নাই বুলি কৈ প্ৰতিষ্ঠিত ব্যৱসায়ীগৰাকীয়ে একাংশই তেওঁক বিজেপিৰ এজেন্ট বুলি কোৱা সন্দৰ্ভত আগন্তুক দুমাহৰ ভিতৰতে কোন কাৰ এজেণ্ট সেইয়া ৰাইজে গম পাব বুলি জানিবলৈ দিয়ে ৷
লগতে পঢ়কঃনগাঁৱত হাতত ড্ৰাগছৰ চিৰিঞ্জসহ উদ্ধাৰ আৰক্ষীৰ পুত্ৰৰ মৃতদেহ
