পাঠশালা, 6 জানুৱাৰী:ইটিভি ভাৰতত সবিস্তাৰে বাতৰি প্ৰকাশ পোৱাৰ পাছতে 22 নৱেম্বৰত বাক্সা জিলাৰ বৰমাৰ এখন খেতি পথাৰত উদ্ধাৰ হোৱা ৰহস্যজনক উল্কাপিণ্ডৰ টুকুৰাটো বুধবাৰে Geological survey of India ই পাঠশালাৰ পৰা সংগ্ৰহ কৰে ৷ ৰহস্যজনক উল্কাপিণ্ডৰ টুকুৰাটো অধ্যয়ন কৰাৰ উদ্দেশ্যে বজালী মহকুমাৰ মহকুমাধিপতিৰ কাৰ্যালয়ৰ পৰা Geological survey of India ই ৰহস্যজনক টুকুৰাটো সংগ্ৰহ কৰে ৷
জানিব পৰা মতে, বিগত 22 নৱেম্বৰত এগৰাকী যুৱকে ৰহস্যময় উল্কাপিণ্ডৰ টুকুৰাটো খেতিপথাৰত প্ৰত্যক্ষ কৰিছিল ৷ তাৰ পাছতেই যুৱকগৰাকীৰ পৰিয়ালৰে এগৰাকী সদস্যই টুকুৰাটো আনি পাঠশালাৰ আনন্দ ৰাম বৰুৱা একাডেমীত সংৰক্ষণ কৰি ৰাখিছিল ৷ এই সন্দৰ্ভত ইটিভি ভাৰতত সবিস্তাৰে এক বাতৰি প্ৰকাশ হোৱাৰ পাছতে বিষয়টোৱে চৰকাৰৰ দৃষ্টি আকৰ্ষণ কৰে আৰু তাৰেই আলমত বুধবাৰে Geological survey of India ৰ এটা দলে উল্কাপিণ্ডৰ টুকুৰাটো বজালী মহকুমাৰ মহকুমাধিপতিৰ কাৰ্যালয়ৰ পৰা সংগ্ৰহ কৰি লৈ যায় ৷