কংগ্ৰেছৰ চৰকাৰ গঠনৰ পাচত পুনৰ ফোন কৰিব হিমন্তই : গৌৰৱ গগৈ

বাঘবৰ সমষ্টিত বৃহস্পতিবাৰে কংগ্ৰেছ প্ৰাৰ্থী বিধায়ক শ্বেৰমান আলী আহমেদৰ হৈ নিৰ্বাচনী প্ৰচাৰ সাংসদ গৌৰৱ গগৈৰ ৷ কংগ্ৰেছৰ নেতৃত্বত চৰকাৰ গঠন হ’লে মন্ত্ৰী হিমন্ত বিশ্ব শৰ্মাই কংগ্ৰেছত পুনৰ যোগদান সন্দৰ্ভত ফোন কৰিব ৷ নিৰ্বাচনী ভাষণত এই মন্তব্য সাংসদ গৰাকীৰ ৷

বৰপেটা,1 এপ্ৰিল : বৰপেটাৰ বাঘবৰ সমষ্টিত বৃহস্পতিবাৰে কংগ্ৰেছ প্ৰাৰ্থী বিধায়ক শ্বেৰমান আলী আহমেদৰ হৈ নিৰ্বাচনী প্ৰচাৰ চলায় সাংসদ গৌৰৱ গগৈয়ে ৷ বাঘবৰৰ সত্ৰকণৰাত সহস্ৰাধিক কংগ্ৰেছ কৰ্মীৰ উপস্থিতিত বাঘবৰত বিধায়ক শ্বেৰমান আলী আহমেদৰ বিজয় নিশ্চিত বুলি উল্লেখ কৰে সাংসদ গগৈয়ে ৷

সাংসদ গৌৰৱ গগৈৰ দাবী অনুসৰি, অসমত কংগ্ৰেছৰ নেতৃত্বতে গঠন হ’ব মহাজোঁটৰ চৰকাৰ ৷ চৰকাৰ গঠনৰ পাচতে মন্ত্ৰী হিমন্ত বিশ্ব শৰ্মাই কংগ্ৰেছত কেনেদৰে যোগ দিব পাৰি সেই কথা সুধি ফোন কৰিব বুলিও কয় সাংসদগৰাকীয়ে ৷

ইফালে আজমলৰ হাতত মহাজোঁট চৰকাৰৰ তলা-চাবি থাকিব বুলি আজমলে কৰা মন্তব্যৰো প্ৰতিক্ৰিয়া ব্যক্ত কৰে সাংসদ গৌৰৱ গগৈয়ে ৷ নিৰ্বাচনত মহাজোঁটৰ ভিতৰত কংগ্ৰেছ দলৰেই আটাইতকৈ বেছি আসন থাকিব আৰু মুখ্যমন্ত্ৰী কংগ্ৰেছ দলৰেই হ’ব বুলি কয় সাংসদ গগৈয়ে ৷

মহাজোঁটৰ চৰকাৰত কোনো উপ-মুখ্যমন্ত্ৰী নাথাকে বুলিও মন্তব্য কৰে গৌৰৱ গগৈয়ে ৷ এইবাৰ মহাজোঁটৰ চৰকাৰ হোৱাতো নিশ্চিত আৰু মিত্ৰদলসমূহৰ পৰামৰ্শমতে কাম কৰা হ’ব ৷ তেওঁ কয় যে, কংগ্ৰেছৰ 5 গেৰাণ্টি সফলভাৱে ৰূপায়ণ কৰিব কংগ্ৰেছ দলে ৷

লগতে পঢ়ক :উজনিত বিধ্বস্ত হৈ পৰিছে বিজেপি : জগদীশ ভূঞা