জনীয়া, 18 ডিচেম্বৰ : বৰপেটা জিলাৰ ৰূপসী উন্নয়ন খণ্ডৰ অন্তৰ্গত ৫৫ নং কলগাছিয়া গাঁও পঞ্চায়তৰ সভাপতি ৰফিক ভূঞাৰ বিৰুদ্ধে পঞ্চায়ত খনৰে ১০ গৰাকী সদস্য-সদস্যাই ১২ দফীয়া অভিযোগৰ ভিত্তিত যোৱা ১৭ আগষ্টত গ্ৰহণ কৰিছিল অনাস্থা প্ৰস্তাৱ । উক্ত অনাস্থা প্ৰস্তাৱৰ ভিত্তিত আজি কলগাছিয়া ৰূপসী খণ্ড উন্নয়ন বিষয়াৰ কাৰ্যালয়ত কলগাছিয়া গাঁও পঞ্চায়ৰ সচিব ছফিউৰ ৰহমানৰ সভাপতিত্বত এখন বিশেষ সভা অনুষ্ঠিত হয় ।
গাঁও পঞ্চায়তৰ সভাপতিৰ বিৰুদ্ধে অনাস্থা সন্দৰ্ভত পুনৰ ভোট গ্ৰহণ
উক্ত সভাৰ অন্তত সভাপতি ৰফিক ভূঞাৰ বিৰুদ্ধে অনা অনাস্থাক ভিত্তি কৰি ১৯৯৪ চনৰ পঞ্চায়ত আইনৰ ১৫ নং ধাৰাৰ অধীনত গণতান্ত্ৰিক পদ্ধতিৰে গোপন বেলটৰ জৰিয়তে ভোট গ্ৰহণ অনুষ্ঠিত হয় । এই ভোটদানত ১০ গৰাকী পঞ্চায়ত সদস্য-সদস্যাই অনাস্থাৰ সপক্ষে ভোট দান কৰিছে বুলি জানিব দিয়ে ৰূপসী আঞ্চলিক সভাপতিয়ে ।