বৰপেটা, ২৮ জানুৱাৰী: বৰপেটাত ক্ৰমাৎ বৃদ্ধি পাইছে অসামাজিক কাৰ্যকলাপ ৷ অবৈধ জুৱা খেল বন্ধ কৰিবলৈ আৰক্ষীয়ে সকীয়নি দি অহাৰ পিছতো একাংশ লোকে চলাই আহিছে জুৱা খেল । বুধবাৰে বৰপেটাৰ জনীয়াৰ মহম্মদপুৰ গাঁৱত আৰক্ষীয়ে অভিযান চলায় । জুৱাৰ মুকলি আড্ডা চলাই থকাৰ সময়তে চাৰিটা জুৱাৰীক হাতে-লোটে কৰায়ত্ত কৰে আৰক্ষীৰ অভিযানকাৰী দলে ।
বৰপেটাত আৰক্ষীৰ অভিযানত ৪টা জুৱাৰী আটক ধৃত জুৱাৰীকেইটা ক্ৰমে হাছেম আলী, চহৰ আলী, আব্দুল মজিদ আৰু মনচেৰ আলী ৷ গাঁওখনত মুকলিকৈ জুৱাৰ আড্ডা চলি থকাৰ খবৰ লাভ কৰাৰ পিছতে আৰক্ষীয়ে অভিযান চলাইছিল ৷ অৱশ্যে আৰক্ষীৰ অভিযানৰ সময়তে বহুসংখ্যক জুৱাৰীয়ে পলায়ন কৰিবলৈ সক্ষম হয় ৷ দলটোৰ পৰা আৰক্ষীয়ে জুৱা খেলত ব্যৱহৃত সামগ্ৰী আৰু নগদ ধন জব্দ কৰে ৷
লগতে পঢ়ক:লবাৰীত বিশিষ্ট সাহিত্যিক শশী শৰ্মাৰ প্ৰথম মৃত্যু বাৰ্ষিকী উপলক্ষে সভা
