বৰপেটাত জুৱাৰ আড্ডা : এজনক আটক

বৰপেটাত জুৱাৰ বিৰুদ্ধে আৰক্ষীৰ অভিযান ৷ আৰক্ষীৰ অভিযানত আটক এটা জুৱাৰী ৷ বৰপেটা থানাৰ অন্তৰ্গত বৰ আগদিয়া গাঁৱত জুৱাৰ আড্ডা বহাৰ অভিযোগ ৷ জুৱা খেলৰ ডায়েচ সহ চুলটান আলী নামৰ এটা জুৱাৰীক আটক ৷

বৰপেটা, 21 জানুৱাৰী:বৰপেটাত জুৱা খেলৰ বিৰুদ্ধে অভিযান চলাই বৰপেটা আৰক্ষীয়ে জুৱা খেলৰ ডায়েচ সহ এজন জুৱাৰীক আটক কৰিছে ৷ বৰপেটা জিলাৰ বৰ আগদিয়া গাঁৱত বৰপেটা আৰক্ষীয়ে অভিযান চলাই জুৱাৰী জনক আটক কৰিবলৈ সক্ষম হৈছে ৷

আৰক্ষীয়ে জানিব দিয়া মতে, বৰপেটা থানাৰ অন্তৰ্গত বৰ আগদিয়া গাঁৱত অনুষ্ঠিত হৈ থকা বাবু ক্লাৱ এণ্ড লাইব্ৰেৰীৰ বাৰ্ষিক অধিৱেশন উপলক্ষে নিশা অধিৱেশনস্থলীত জুৱাৰ আড্ডা বহিছিল ৷

জুৱা খেলৰ ডায়েচ সহ চুলটান আলী নামৰ এজন জুৱাৰী আটক

গাঁওখনত মুকলিকৈ জুৱাৰ আড্ডা চলাৰ খবৰ পোৱাৰ পাছতে আৰক্ষীয়ে অভিযান চলাই যদিও জুৱাৰী সকল পলাই সাৰিবলৈ সক্ষম হয় যদিও চুলতান আলী নামৰ এটা জুৱাৰীক জুৱা খেলৰ ডায়েচ সহ আটক কৰিবলৈ সক্ষম হয় ৷ জানিব পৰা মতে বৃহস্পতিবাৰে আৰক্ষীয়ে জুৱাৰীটোক আদালতত হাজিৰ কৰোৱাৰ লগতে কাৰাগাৰলৈ প্ৰেৰণ কৰে ৷

লগতে পঢ়ক:কলগাছিয়াত ভুৱা বাতৰি পৰিৱেশন কৰাৰ অভিযোগত সাংবাদিকক আটক