বিজেপি নেতা মকিবুৰ হুছেইন মজুমদাৰৰ বান সাহায্য বিতৰণ

বৰপেটাৰ কলগাছিয়াত বিজেপি নেতা মকিবুৰ হুছেইন মজুমদাৰৰ বান সাহায্য বিতৰণ, প্ৰশাসন তথা চৰকাৰক সাহায্য প্ৰদানৰ আহ্বান

জনীয়া, 29 জুলাইঃ বৰপেটা জিলাৰ কলগাছিয়া ৰাজহ চক্ৰৰ অন্তৰ্গত প্ৰায় কুৰিখন গাঁও বেঁকী নদীৰ বানে প্লাৱিত কৰাৰ ফলত বানাক্ৰান্তৰ মাজত হাহাকাৰ পৰিস্থিতিৰ সৃষ্টি হৈছে ৷ কিন্তু প্ৰশাসনৰ ফালৰ পৰা এদিনৰ বাবে খাদ্য সামগ্ৰী বিতৰণ কৰিছিল যদিও পৰৱৰ্তী সময়ত কোনো ধৰণৰ সাহায্য বিতৰণ নকৰাৰ অভিযোগ উঠিছে ৷ আনহাতে জনীয়া সমষ্টিৰ বিজেপি নেতা মকিবুৰ হুছেইন মজুমদাৰে নিজাববীয়াকৈ সুতিৰ পথাৰ, খাৰবাল্লি আৰু কাদংত গাঁও পৰিদৰ্শন কৰি বন্যাৰ্তৰ মাজত খাদ্য সামগ্ৰী বিতৰণ কৰে ৷