কলগাছিয়াত ভয়ংকৰ অগ্নিকাণ্ড

বিদ্যুতৰ শ্বৰ্ট চাৰ্কিটৰ ফলত কলগাছিয়া থানাৰ অন্তৰ্গত চান্দমামা পথাৰগাঁৱৰ আনোৱাৰ হছেইন নামৰ এজন ব্যক্তিৰ ঘৰত সংঘটিত হয় ভয়ংকৰ অগ্নিকাণ্ড ৷

জনীয়া,1 মাৰ্চ: দেওবাৰে কলগাছিয়াৰ চান্দমামাত সংঘটিত হৈছে এক ভয়ংকৰ অগ্নিকাণ্ড । কলগাছিয়া আৰক্ষী থানাৰ অন্তৰ্গত চান্দমামা পথাৰগাঁৱৰ আনোৱাৰ হুছেইন নামৰ এজন ব্যক্তিৰ ঘৰত সংঘটিত হয় এই ভয়ংকৰ অগ্নিকাণ্ড ৷ বৈদ্যুতিক শ্বৰ্ট চাৰ্কিটৰ ফলত এই অগ্নিকাণ্ড সংঘটিত হোৱা বুলি আশংকা কৰিছে ভুক্তভোগী পৰিয়ালটোৱে ৷

এই অগ্নিকাণ্ডৰ ফলত পৰিয়ালটোৰ বাসগৃহ সম্পূৰ্ণৰূপে জুইত জাহ যায় ৷ লগতে এনআৰচিৰ বহু নথি-পত্ৰকে ধৰি ঘৰুৱা আচবাব আৰু অন্যান্য সা-সম্পত্তি জুইত ভষ্মীভূত হয় । ভষ্মীভূত সামগ্ৰীখিনিৰ মূল্য প্ৰায় দুই লক্ষাধিক টকা হ’ব ৷ অৱশ্যে স্থানীয় ৰাইজৰ তৎপৰতাত আন কেইবাটাও ঘৰ অগ্নিকাণ্ডৰ পৰা ৰক্ষা পৰে ৷

লগতে পঢ়কঃনলবাৰী থানাত উপস্থিত ডিআইজি ব্ৰজেন্দ্ৰ জিৎ সিনহা