বিতৰ্কিত বিধায়ক শিলাদিত্যৰ বিৰুদ্ধে গৰিয়া মৰিয়া জাতীয় পৰিষদৰ এজাহাৰ দাখিল

বিধায়ক শিলাদিত্য দেৱে এইবাৰ অসমীয়া সাহিত্য জগতৰ মহীৰূহস্বৰূপ চৈয়দ আব্দুল মালিকক "বৌদ্ধিক জেহাদী" বুলি কোৱাৰ পাছতে বিধায়কগৰাকীৰ বিৰুদ্ধে সৰৱ হৈছে বিভিন্ন দল সংগঠন ৷

বৰপেটা, ৯ আগষ্টঃ স্বনামধন্য সাহিত্যিক চৈয়দ আব্দুল মালিকক হোজাইৰ বিধায়ক শিলাদিত্য দেৱে কৰা অপমানৰ বিৰুদ্ধে ৰাজ্যৰ বৌদ্ধিক মহলত প্ৰতিক্ৰিয়া । বিধায়কগৰাকীৰ এনে কাৰ্যৰ বিৰুদ্ধে দেওবাৰে বৰপেটাৰ বহৰিৰ তাৰাবাৰী থানাত চকীত এজাহাৰ দাখিল কৰে বৰপেটা জিলা গৰিয়া মৰিয়া দেশী জাতীয় পৰিষদে ৷ বিধায়কগৰাকীয়ে অসমৰ স্বনামধন্য সাহিত্যিক চৈয়দ আব্দুল মালিকক 'জেহাদী' সজোৱা কাৰ্যক তীব্ৰ ভাষাৰে গৰিহণা দিয়ে সংগঠনটোৱে ।

বহৰিৰ তাৰাবাৰী থানাত বিধায়ক শিলাদিত্য দেৱে কৰা অপমান আৰু খিলঞ্জীয়া লোকৰ মাজত বিভেদ সৃষ্টিৰ বাবে বিধায়কগৰাকীয়ে কৰা বিতৰ্কিত মন্তব্যক গৰিহনা দিয়ে সংগঠনটোৱে । সংগঠনটোৱে অতি শীঘ্ৰে বিধায়কগৰাকীক গ্ৰেপ্তাৰ কৰি উচিত শাস্তিৰ দাবী জনাইছে গৰিয়া মৰিয়া দেশী জাতীয় পৰিষদৰ বৰপেটা জিলা সমিতিৰ সাধাৰণ সম্পাদক চলমান হুছেইনে ।

লগতে পঢ়ক-বিধায়ক শিলাদিত্য দেৱৰ বিৰুদ্ধে জালুকবাৰী আৰক্ষী চকীত এজাহাৰ