Allegation against FAAMCH employee: ধন লৈ গ্ৰেপ্তাৰ বৰপেটা মেডিকেল কলেজৰ কৰ্মচাৰী

বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হাস্পতালত ৰোগীৰ আত্মীয়ৰ পৰা ঔষধ ক্ৰয়ৰ নামত ধন সংগ্ৰহ । আয়ুস্মান কাৰ্ড (Ayushman Card) থকাৰ পিছতো এগৰাকী ৰোগীৰ পৰা ঔষধৰ নামত ধন সংগ্ৰহৰ অভিযোগ ।

বৰপেটা, ২৬ অক্টোবৰ: ৰোগীৰ পৰা ধন লৈ বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হাস্পতালতৰ (Fakhruddin Ali Ahmed Medical College Hospital) কৰ্মচাৰী গ্ৰেপ্তাৰ ৷ আয়ুস্মান কাৰ্ড থকাৰ পিছতো এগৰাকী ৰোগীৰ পৰা ঔষধৰ নামত ধন সংগ্ৰহ কৰি গ্ৰেপ্তাৰ হ'ল গুনাভি দাস (Barpeta medical college employee arrest) নামৰ কৰ্মচাৰীজন ৷ গুনাভি দাস বৰপেটা মেডিকেল কলেজ হাস্পতালৰ ৱাৰ্ড বয় হিচাপে কৰ্মৰত ৷

উল্লেখ্য় যে চিৰাং জিলাৰ বিজনীৰ প্ৰকাশ সূত্ৰধৰ নামৰ ৰোগীজনৰ আত্মীয়ৰ পৰা ঔষধ ক্ৰয়ৰ নামত গুনাভি দাসে সংগ্ৰহ কৰিছিল ১,৭০০ টকা (Allegation against medical employee) ৷ বুধবাৰে ৰোগীজনৰ ভাতৃৰ এজাহাৰৰ ভিত্তিত ৰঙাঘৰৰ আলহী হ'বলগীয়া হ'ল গুনাভি ৷

স্বাস্থ্য বিভাগে গ্ৰহন কৰা নীতি অনুসৰি আয়ুস্মান কাৰ্ড (Ayushman Card) থাকিলে ৰোগীয়ে লাভ কৰে বিনামূলীয়া চিকিৎসা সেৱা ৷ পিছে আয়ুস্মান কাৰ্ড থকাৰ পিছতো প্ৰকাশ সূত্ৰধৰ নামৰ ৰোগীজনৰ পৰা গুনাভিয়ে সংগ্ৰহ কৰিছিল ধন ৷ ইপিনে,গুনাভিৰ বিৰুদ্ধে পূৰ্বেও ৰোগীৰ পৰা ধন সংগ্ৰহ কৰাৰ অভিযোগ আছে ৷ পূৰ্বে মেডিকেল কলেজ কৰ্তৃপক্ষই কেইবাবাৰো সকীয়াই দিয়াৰ পিছতো তেওঁ বাৰম্বাৰ ৰোগীৰ পৰা বিভিন্ন ধৰণে সংগ্ৰহ কৰি আহিছিল ধন ৷

লগতে পঢ়ক:Closure of regional news from AIR Dibrugarh: আকাশবাণী ডিব্ৰুগড় কেন্দ্ৰৰ পৰা আঞ্চলিক বাতৰি বন্ধ কৰাৰ বিৰুদ্ধে আছুৰ প্ৰতিবাদ