Erosion at Kalgachia: চকুৰ সন্মুখতে নৈৰ বুকুত জাহ গ'ল 21 টা পৰিয়ালৰ বাসগৃহ

কলগাছিয়াৰ চিকনি গাঁও পঞ্চায়তৰ অন্তৰ্গত সাওৰাচৰা গাঁৱত বেকী নদীৰ ভয়ংকৰ ৰূপ ৷ বিগত এসপ্তাহৰ ভিতৰত অঞ্চলটোৰ ২১ টা পৰিয়ালৰ মাটি ভেঁটি উচন হয়(Erosion at Kalgachia) ৷

জনীয়া, 3 জুলাই:ৰাজ্যজুৰি বানৰ (Assam flood 2022) সংহাৰৰ লগতে অব্যাহত আছে গৰাখহনীয়াৰ বিধ্বংসী ৰূপ ৷ বৰপেটা জিলাৰ ৪৪ নং জনীয়া বিধানসভা সমষ্টিৰ অন্তৰ্গত বিভিন্ন নৈপৰীয়া অঞ্চলত বেকী নদীয়ে পুনৰ ভয়ানক গৰাখহনীয়া সৃষ্টি কৰে (Erosion at Kalgachia) ৷ এই ভয়ংকৰ গৰাখহনীয়াত কেইবাটাও পৰিয়ালৰ মাটি ভেঁটি উচন হোৱাৰ লগতে কেইবাশ বিঘা কৃষি ভূমি নদীৰ বুকুত জাহ যায় ৷

কলগাছিয়াৰ চিকনি গাঁও পঞ্চায়তৰ অন্তৰ্গত সাওৰাচৰা সংযোগী পথচোৱাও নৈৰ বুকুত জাহ যাওঁ যাওঁ অৱস্থাত হৈছে ৷ খহনীয়া প্ৰতিৰোধৰ বাবে খহনীয়াগ্ৰস্ত ৰাইজে বৰপেটাৰ সাংসদ আব্দুল খালেক আৰু জনীয়া সমষ্টিৰ বিধায়ক ড৹ হাফিজ ৰফিকুল ইছলামৰ লগতে জিলা প্ৰশাসনৰ ভূমিকাত তীব্ৰ অসন্তুষ্টি প্ৰকাশ কৰে ৷ বিগত এসপ্তাহৰ ভিতৰত অঞ্চলটোৰ ২১ টা পৰিয়ালৰ মাটি ভেঁটি উচন হয় ৷

এই দুৰ্দিনৰ সময়ত খহনীয়াগ্ৰস্ত লোকৰ খবৰ ল’বলৈ বিধায়ক-সাংসদে আহৰি পোৱা নাই বুলি অভিযোগ কৰে কলগাছিয়া জিলা আমছুৰ সম্পাদক আজাদুল ভূঞাই ৷ বেকী নদীৰ গৰাখহনীয়াত সৰ্বস্বান্ত আৰু ক্ষতিগ্ৰস্ত পৰিয়ালে চৰকাৰ তথা বিভাগীয় কৰ্তৃপক্ষক খহনীয়াগ্ৰস্ত অঞ্চল পৰিদৰ্শন কৰি প্ৰতিৰোধৰ বাবে ব্যৱস্থা গ্ৰহণ কৰিবলৈ আহ্বান জনাইছে ৷ অন্যথা আমছুয়ে আগন্তুক দিনত তীব্ৰ গণতান্ত্ৰিক আন্দোলন গঢ়ি তোলাৰ হুংকাৰ দিয়ে ৷

লগতে পঢ়ক:বানেধোৱা বিশ্বনাথ: বাঢ়নী পানীত উটি গ’ল ঘৰ-দুৱাৰ, কিতাপ-পত্ৰ