বেকী নৈৰ গৰাখহনীয়াত আতংকিত ৰাইজ

বানৰ পাচত কলগাছিয়া ৰাজহ চক্ৰৰ অন্তৰ্গত খাৰবাল্লী গাঁৱত বেঁকী নদীৰ গৰাখহনীয়া, আতংকিত ৰাইজ। চৰকাৰ তথা প্ৰশাসনে কোনো গুৰুত্ব নিদিয়াৰ অভিযোগ ৰাইজৰ ৷

বৰপেটা, 8 আগষ্টঃ বৰপেটাৰ কলগাছিয়াত বেকী নৈৰ গৰাখহনীয়াত আতংকিত ৰাইজ ৷ খহনীয়াত জাহ গল বহুলোকৰ ঘৰ-দুৱাৰ ৷

চৰকাৰ তথা প্ৰশাসনে কোনো গুৰুত্ব নিদিয়াৰ অভিয়োগ ৷ ফলত পাঁচটাকৈ পৰিয়ালৰ ঘৰ-ভেটি উচন হোৱাৰ লগতে কুৰিটা পৰিয়াললৈ কঢ়িয়াই আনিছে তীব্ৰ ভাবুকি। বেকী নদীয়ে আপোন ভেটিটো খহাই নিয়াত এইদৰে ঘৰ-দুৱাৰ ভাঙি লৈ নিৰাপদ স্থানলৈ যোৱাৰ বাবে ঢাপলি মেলিছে খহনীয়াগ্ৰস্ত ৰাইজে। অতি শীঘ্ৰে গৰাখহনীয়া প্ৰতিৰোধৰ ব্যৱস্থা নকৰিলে কলগাছিয়া, আমগুৰিকে ধৰি বৃহত্তৰ অঞ্চল গৰাখহনীয়াৰ কৱলত পৰাৰ আশংকা কৰিছে । সেয়ে অতি শীঘ্ৰে খহনীয়া প্ৰতিৰোধ কৰিবলৈ চৰকাৰক দাবী জনাইছে স্থানীয় ৰাইজে ।