গৰাখহনীয়া কৱলত বিকল্প ৰাজ্যিক ঘাই পথ

জিঅ' বেগ উটুৱাই নিয়াৰ ফলত ভাবুকিৰ সৃষ্টি হৈছে অভয়াপুৰীৰ পৰা বৰপেটা হৈ আমিনগাঁৱলৈ অহা-যোৱা কৰা বিকল্প ৰাজ্যিক ঘাইপথটো

জনীয়া, 11 জুলাইঃবানপানীৰ সমান্তৰালকৈ ধাৰাসাৰ বৰষুণৰ ফলত তীব্ৰ গৰাখহনীয়া আৰম্ভ হৈছে বিকল্প ৰাজ্যিক ঘাই পথত। কলগাছিয়া ৰাজহ চক্ৰৰ অন্তৰ্গত শওঁপুৰত থকা কৰাৰকুৰ বেঁকী দলঙৰ পশ্চিম প্ৰান্তত বাঢ়নী পানীৰ সোঁতত গৰাখহনীয়াৰ সৃষ্টি হয় ৷ আনহাতে পানীয়ে জিঅ' বেগ উটুৱাই নিয়াৰ ফলত ভাবুকিৰ সৃষ্টি হৈছে অভয়াপুৰীৰ পৰা বৰপেটা হৈ আমিনগাঁৱলৈ অহা-যোৱা কৰা বিকল্প ৰাজ্যিক ঘাই পথটোৰ । সম্প্ৰতি শীঘ্ৰে খহনীয়া প্ৰতিৰোধ কৰি ঘাই পথ সুৰক্ষা দিয়াৰ লগতে ৰাইজক ৰক্ষা কৰিবলৈ স্থানীয় ৰাইজে দাবী জনাইছে।