জনীয়া,13 অক্টোবৰ: বৰপেটা জিলাত অব্যাহত আছে তীব্ৰ খহনীয়া ৷ জিলাখনৰ কলগাছিয়া ৰাজহ চক্ৰৰ অন্তৰ্গত চিকনী আৰু সাওৰাচৰা গাঁৱত বেকী নদীয়ে ধাৰণ কৰিছে তীব্ৰ ৰূপ ৷ ফলত ভাবুকি সৃষ্টি হৈছে অঞ্চলবাসীৰ প্ৰতি ৷ ইতিমধ্যে বিধ্বংসী খহনীয়াৰ কবলত পৰি গৃহহীন হৈছে শতাধিক পৰিয়াল ৷
বিগত বৰ্ষত বৰপেটাৰ সাংসদ আব্দুল খালেকে সাওৰাচৰা পথাৰ গাঁৱত নাম মাত্ৰ বাঁহৰ পাৰ্কুপাইন নিৰ্মাণ কৰি খহনীয়া প্ৰতিৰোধৰ চেষ্টা চলাইছিল যদিও বানে সেয়া উটুৱাই নিয়াত পুনৰ ভয়ংকৰ ৰূপ ধাৰণ কৰে খহনীয়াই ৷ অঞ্চলবাসীয়ে শীঘ্ৰে এই সমস্যা সমাধানৰ দাবীত চৰকাৰক দাবী জনাইছে ৷ অন্যথা এই অঞ্চল অচিৰে জাহ যাব বেকীৰ বুকুত ৷
লগতে চাওকঃহোজাই পুনৰ আৰক্ষীৰ জালত অবৈধ কয়লা ভৰ্তি ট্ৰাক
