বান পানীয়ে জুৰুলা কৰিছে বৰপেটাৰ বহু খেতিয়কক

বৰপেটাৰ বাঘবৰ,জনীয়াত কৃষকৰ মাজত হাহাকাৰ । হাজাৰ হাজাৰ বিঘা ইৰিধান খেতি বানৰ কবলত । আধা পকা ইৰি ধানৰ খেতি কাটিবলৈ বাধ্য হৈছে কৃষক ৷

বৰপেটা, 8 জুনঃ বৰপেটাত হাজাৰ হাজাৰ বিঘা ভূমিৰ খেতি বুৰাই পেলাইছে ব্ৰহ্মপুত্ৰ,বেকী আৰু ভেলঙী নৈৰ পানীয়ে। বাঘবৰৰ ভাতকুছি,মন্দিয়া,সত্ৰকনৰা গোবিন্দপুৰ-চিতলী আদি অঞ্চলৰ পকিবলৈ ধৰা ইৰিধানৰ খেতি পানীয়ে বুঢ়াই পেলোৱাত হতাশাত ভাগি পৰিছে খেতিয়কসকল ।

কেইদিন মান পাৰ হ'লেই ইৰিধান কাটিব পৰা গ'লহেতেন যদিও বহু কৃষকে এতিয়া বানত ডুব যোৱা আধা পকা ধানসমুহ কাটিবলৈ বাধ্য হৈছে অঞ্চলকেইটাত ৷

লক ডাউনৰ কবলত পৰি ক্ষতিৰ সন্মুখীন হোৱা কৃষকে ধাৰ ঋণ লৈ ইৰি ধানৰ খেতি কৰিছিল যদিও এতিয়া বানৰ কবলত পৰি পথাৰৰ ইৰিধান পথাৰতে নষ্ট হোৱাত মূৰে-কপালে হাত দিব লগীয়া হৈছে কৃষকসকল । এইক্ষেত্ৰত মুখ্যমন্ত্ৰী আৰু কৃষিমন্ত্ৰীক কৃষকসকলক সহায়ৰ বাবে আগবাঢ়ি আহিবলৈ কৃষকসকলে অনুৰোধ জনাইছে ।

লগতে পঢ়কঃ পেটিএম য়ে শীঘ্ৰে মুকলি কৰিব পোষ্টপেইড ক্ৰেডিট কাৰ্ড