বৰপেটা, 9 আগষ্ট:ৰাজ্যত নিষিদ্ধ ড্ৰাগছকে ধৰি নিচাজাতীয় সামগ্ৰীৰ বিৰুদ্ধে অসম আৰক্ষী পূৰ্বতকৈ অধিক কঠোৰ হৈ অব্যাহত ৰাখিছে অভিযান (Anti drugs mission by Assam police)৷ সমান্তৰালভাৱে বৰপেটা আৰক্ষীও এই ক্ষেত্ৰত অধিক সতৰ্কতাৰে ড্ৰাগছৰ অবৈধ সৰবৰাহকাৰীৰ বিৰুদ্ধে অভিযান চলাই গৈছে ৷
শেহতীয়াকৈ বৰপেটাৰ পালহাজীত মঙলবাৰে বৰপেটা সদৰ থানাৰ ভাৰপ্ৰাপ্ত বিষয়া ৰঞ্জন দলেৰ নেতৃত্বত আৰক্ষীৰ এটা দলে বেশ সলনি কৰি অসামৰিক পোছাকত অভিযান চলায় ৷ এই অভিযানত আৰক্ষীয়ে এটা ড্ৰাগছ সৰবৰাহকাৰীক আটক কৰাৰ লগতে কেবাটাও ব্ৰাউন ছুগাৰৰ কণ্টেইনাৰ জব্দ কৰে (Brown Sugar seized at palhazi)৷