বৰপেটাৰ বহৰিত ড্ৰাগছ ব্যৱসায়ী গ্ৰেপ্তাৰ

গ্ৰেপ্তাৰ হোৱা যুৱকজন বহৰিৰ কলতলি গাঁৱৰ ওচমান আলি । ব্যৱসায়ীজনৰ পৰা উদ্ধাৰ কৰা হৈছে ব্ৰাউন চুগাৰ ভৰ্তি দুটা কন্টেইনাৰ ৷

বৰপেটা, ১৬ জুনঃ বৰপেটাৰ বহৰিৰ কলতলি গাঁৱত আৰক্ষীয়ে গ্ৰেপ্তাৰ কৰে এজন ড্ৰাগছ ব্যৱসায়ীক । ধৃত ব্যৱসায়ী জনৰ পৰা উদ্ধাৰ কৰা হৈছে ব্ৰাউন চুগাৰ ভৰ্তি দুটা কন্টেইনাৰ ৷ নিষিদ্ধ ড্ৰাগছ ব্যৱসায়ৰ অভিযোগত গ্ৰেপ্তাৰ হোৱা যুৱকজন বহৰিৰ কলতলি গাঁৱৰ ওচমান আলি বুলি আৰক্ষীয়ে জানিবলৈ দিয়ে ।

ৰজব আলীৰ পুত্ৰ ওচমান আলিয়ে অঞ্চলটোত ব্ৰাউন চুগাৰৰ ব্যৱসায় চলাই অহাৰ খবৰ লাভ কৰিছিল আৰক্ষীয়ে। তাৰ পাচতেই অভিযান চলাই আৰক্ষীয়ে ড্ৰাগছসহ যুৱকজনক গ্ৰেপ্তাৰ কৰিবলৈ সক্ষম হয় । মঙলবাৰে ড্ৰাগছ ব্যৱসায়ী জনক বৰপেটা আদালতত হাজিৰ কৰি জেল হাজোতলৈ প্ৰেৰণ কৰা হৈছে ৷

ইয়াৰ পূৰ্বে, সংখ্যালঘু অধ্যুষিত কলতলি গাঁওখনৰ পৰা তিনিমাহৰ আগত বৃহৎ পৰিমাণৰ ব্ৰাউন চুগাৰসহ আন দুজন ড্ৰাগছ ব্যৱসায়ীক গ্ৰেপ্তাৰ কৰিছিল আৰক্ষীয়ে ।

সম্প্ৰতি বৰপেটাৰ সংখ্যালঘু অধ্যুষিত একাংশ গাঁও নিষিদ্ধ ড্ৰাগছৰ মুকলি ঘাটিত পৰিণত হৈছে ৷ ডিমাপুৰৰ পৰা ব্ৰাউন চুগাৰ সৰবৰাহ কৰি বৰপেটাৰ পৰা নামনি অসমত ড্ৰাগছৰ মুকলি বেহা চলাই আছে একাংশ ড্ৰাগছ ব্যৱসায়ীয়ে ৷ ৰাইজে বৰপেটাত চলি থকা ড্ৰাগছৰ বেহা উৎখাতৰ বাবে আহ্বান জনাইছে প্ৰশাসনক ৷

লগতে চাওকঃ বিশুদ্ধ খোৱাপানী লাভৰ পৰা বঞ্চিত দিপ্তাবাসী