বৰপেটা, ১৬ জুনঃ বৰপেটাৰ বহৰিৰ কলতলি গাঁৱত আৰক্ষীয়ে গ্ৰেপ্তাৰ কৰে এজন ড্ৰাগছ ব্যৱসায়ীক । ধৃত ব্যৱসায়ী জনৰ পৰা উদ্ধাৰ কৰা হৈছে ব্ৰাউন চুগাৰ ভৰ্তি দুটা কন্টেইনাৰ ৷ নিষিদ্ধ ড্ৰাগছ ব্যৱসায়ৰ অভিযোগত গ্ৰেপ্তাৰ হোৱা যুৱকজন বহৰিৰ কলতলি গাঁৱৰ ওচমান আলি বুলি আৰক্ষীয়ে জানিবলৈ দিয়ে ।
বৰপেটাৰ বহৰিত ড্ৰাগছ ব্যৱসায়ী গ্ৰেপ্তাৰ
ৰজব আলীৰ পুত্ৰ ওচমান আলিয়ে অঞ্চলটোত ব্ৰাউন চুগাৰৰ ব্যৱসায় চলাই অহাৰ খবৰ লাভ কৰিছিল আৰক্ষীয়ে। তাৰ পাচতেই অভিযান চলাই আৰক্ষীয়ে ড্ৰাগছসহ যুৱকজনক গ্ৰেপ্তাৰ কৰিবলৈ সক্ষম হয় । মঙলবাৰে ড্ৰাগছ ব্যৱসায়ী জনক বৰপেটা আদালতত হাজিৰ কৰি জেল হাজোতলৈ প্ৰেৰণ কৰা হৈছে ৷