বৰপেটা, 7 অক্টোবৰ :বুধবাৰে মন্ত্ৰী ড৹ হিমন্ত বিশ্ব শৰ্মাই বৰপেটাত উপস্থিত হৈ 91 কোটি টকা ব্যয় সাপেক্ষে শুভাৰম্ভ কৰে 5 টাকৈ প্ৰকল্প ৷বৰপেটা মেডিকেল কলেজ হাস্পটালত 25 কোটি টকা ব্যয় সাপেক্ষে 100 খন বিচনাযুক্ত মাতৃ আৰু শিশু চিকিৎসালয়ৰ কামৰ শুভাৰম্ভ কৰে মন্ত্ৰীগৰাকীয়ে ৷ ইপিনে, অসম চৰকাৰৰ স্ব-অগ্ৰাধিকাৰ আঁচনিৰ ছিগনেচাৰ প্ৰকল্পৰ অধীনত নখান্দা দলঙৰ পৰা বৰপেটা বাঘবৰ পথৰ নলীৰপাম সংযোগী নখান্দা মথাউৰি পথৰ নিৰ্মাণ কাৰ্যৰো শুভাৰম্ভ হয় ৷ আনহাতে চেঙাত স্থাপন হ'বলগীয়া আদৰ্শ কন্যা মহাবিদ্যালয় স্থাপনৰ শুভাৰম্ভ কৰে মন্ত্ৰীগৰাকীয়ে ৷
কেন্দ্ৰীয় চৰকাৰৰ ৰাষ্ট্ৰীয় উচ্চতৰ শিক্ষা অভিযান আঁচনিৰ অধীনত বৰপেটা জিলাৰ বাঘবৰত প্ৰস্তাৱিত নতুন আদৰ্শ স্নাতক মহাবিদ্যালয়ৰ আধাৰশিলাৰ স্থাপন কৰে মন্ত্ৰী গৰাকীয়ে ৷ পূৰ্বৰ ১৫ বছৰীয়া শাসনকালত তিতাবৰৰ বাবে প্ৰতিটো আঁচনিৰ সুবিধা অধিক দিব লগাৰ নিয়মেৰে চৰকাৰ পৰিচালিত হোৱাৰ কথা প্ৰকাশ কৰে মন্ত্ৰী ড৹ হিমন্ত বিশ্ব শৰ্মাই ৷