বৰপেটা, ১২ জুন: ফেচবুকত অসম আৰক্ষীৰ বিৰুদ্ধে অসন্মানজনক আৰু আপত্তিজনক মন্তব্য কৰি ৰঙাঘৰৰ আলহী হ'ল এগৰাকী চিকিৎসক ৷ মেঘালয় আৰক্ষীৰ সহযোগত বৰপেটা আৰক্ষীয়ে আটক কৰা চিকিৎসকজন ডাঃ চামছুল আলম বুলি জানিব পৰা গৈছে ৷
অসম আৰক্ষীৰ বিৰুদ্ধে আপত্তিজনক মন্তব্য কৰি চিকিৎসক গ্ৰেপ্তাৰ
ডাঃ চামছুল আলমৰ ঘৰ বৰপেটাৰ মন্দিয়াত ৷ পশ্চিম গাৰো পাহাৰ জিলাৰ চেলাত অৱস্থিত চি এইছ চি'ত কৰ্মৰত চিকিৎসা বিষয়াগৰাকীয়ে অসম আৰক্ষীৰ বিৰুদ্ধে সামাজিক মাধ্যমত আপত্তিজনক মন্তব্য প্ৰকাশ কৰিছিল ৷ শুকুৰবাৰে নিশা মেঘালয় আৰক্ষীৰ সহযোগত বৰপেটাৰ পৰা যোৱা আৰক্ষীৰ এটা দলে অভিযান চলাই চিকিৎসকগৰাকীক আটক কৰে ৷