জনীয়া, 5 জুন :জনীয়া সমষ্টিৰ অন্তৰ্গত আমগুৰি ওখভেটি মেৰামতিৰ নামত ব্যাপক দুৰ্নীতিৰ তথ্য পোহৰলৈ আহিছে । জনীয়াৰ বিধায়ক ড৹ হাফিজ ৰফিকুল ইছলামৰ বিগত কাৰ্যকালত কলগাছিয়াৰ আমগুৰি গাঁৱত বিধায়কৰ সমষ্টি উন্নয়ন পুঁজিৰ ৮ লাখ টকা ব্যয় সাপেক্ষে বাঢ়নী পানীত আশ্ৰয়স্থল বা ওখভেটি মেৰামতিৰ কামত সীমাহীন দুৰ্নীতিৰ অভিযোগ উত্থাপিত হৈছে ।
জনীয়াত বিধায়কৰ সমষ্টি উন্নয়ন পুঁজিৰ কামত ব্যপক দুৰ্নীতি
সমাজ সেৱক ফৰুক খানে তথ্য জনাৰ অধিকাৰ আইনৰ জৰিয়তে পোহৰলৈ আনিছে এই ভয়াৱহ দুৰ্নীতিৰ তথ্য । ৫০-৬০ হাজাৰ টকা খৰচ কৰি ধন আত্মসাৎ কৰাৰ অভিযোগ তুলিছে ৰাইজে । স্থানীয় ৰাইজে জানিবলৈ দিয়া মতে, আমগুৰি গাঁৱৰ অধিবক্তা নুৰুল ইছলাম, মজিবৰ ৰহমান আৰু মোতালেব নামৰ ব্যক্তি তিনিজনে ব্যাপক দুৰ্নীতি কৰি মাত্ৰ ৩৬ গাড়ী মাটি পেলাই সমূহ টকা আত্মসাৎ কৰাৰ গুৰুতৰ অভিযোগ উত্থাপন কৰিছে ।