কলগাছিয়া সাপ্তাহিক বজাৰতো দুদিনীয়া সম্পূৰ্ণ লক ডাউনৰ সৰ্বাত্মক প্ৰভাৱ

ৰাজ্যৰ অন্যান্য চহৰ নগৰ তথা অধিক ভিৰ হোৱা বজাৰ সমূহৰ সমূহৰ দৰে বৰপেটা জিলাৰ কলগাছিয়া সাপ্তাহিক বজাৰতো সম্পূৰ্ণ লক ডাউনৰ দুদিনীয়া বন্ধৰ সৰ্বাত্মক প্ৰভাৱ পৰা পৰিলক্ষিত হৈছে । পূৰ্বে ইয়াত প্রতি শনিবাৰে পুৱাৰে পৰা হাজাৰোধিক ক্ৰেতা বিক্ৰেতাৰ ভিৰ হোৱা পৰিৱৰ্তে শনিবাৰৰ সম্পূৰ্ণ লক ডাউনত বজাৰখন হৈ পৰিল জনশূণ্য ।

জনীয়া, ২৫ জুলাই: মহামাৰী ক'ৰণা নিয়ন্ত্ৰণৰ বাবে ৰাজ্যৰ সকলো চহৰ নগৰ তথা ব্যস্ত বজাৰ সমূহৰ দৰে কলগাছিয়াতো বলবৎ কৰা হৈছিল শনি আৰু দেওবাৰৰ দুদিনীয়া সম্পূৰ্ণ লক ডাউন । ফলত শনিবাৰৰ প্ৰথম দিনটোৰ লক ডাউনত সম্পূৰ্ণ জনশূন্য হৈ পৰিল কলগাছিয়া সাপ্তাহিক বজাৰ খন। কলগাছিয়া বজাৰত দোকান পোহাৰ সম্পূৰ্ণ ভাৱে বন্ধ ৰাখি সকলোৱে পালন কৰিলে চৰকাৰী নিৰ্দেশনা ।

উল্লেখ্য যে,আগন্তুক পহিলা আগষ্টত উদযাপিত হ'ব ইছলাম ধৰ্মাৱলম্বী লোক সকলৰ পবিত্ৰ ঈদ-উদ-জোহা । কিন্তু ঈদৰ পূৰ্বে কলগাছিয়াৰ সাপ্তাহিক বজাৰৰ লগতে বৰপেটা জিলাৰ সকলো বজাৰ বন্ধ ৰাখি সকলোৱে মহামাৰী ক'ৰণা নিয়ন্ত্ৰণৰ প্ৰতি সচেতন হৈ চৰকাৰী নিৰ্দেশনা পালন কৰি দেখুৱাই দিলে নিজৰ দায়বদ্ধতা ।

লগতে চাওকঃ ভাৰতৰ নতুন কূটনৈতিক নিযুক্তি : চীনৰ সম্প্ৰসাৰণবাদ, তালিবানৰ বিৰুদ্ধে নতুন