বৰপেটা, 15 মাৰ্চ : দুৱাৰডলিত বৰপেটাৰ প্ৰাণৰ উৎসৱ দৌল মহোৎসৱ ৷ দৌল উৎসৱক লৈ ব্যস্ত হৈ পৰিছে সত্ৰ নগৰী বৰপেটা ৷ দুপৰ নিশাও বৰপেটা সত্ৰৰ দালানত বৰপেটাৰ যুৱকৰ হোলী গীতৰ লহৰত প্ৰান্তৱন্ত হৈ আছে বৰপেটা সত্ৰ (Holi night atmosphere at barpeta satra) ৷ দৌল মহোৎসৱ বুলি ক’লেই এক অনামী পুলকত নাচি উঠে বৰপেটাবাসীৰ দেহ, মন-প্ৰাণ ৷
উল্লেখ্য যে, বৰপেটা সত্ৰত ১৬ মাৰ্চৰ পৰা চাৰিদিনীয়াকৈ অনুষ্ঠিত হ’ব বিখ্যাত দৌল মহোৎসৱ ৷ সত্ৰীয়া পৰম্পৰা অনুসৰি বৰপেটা সত্ৰত ১৬ মাৰ্চত বহ্নুৎসৱ, ১৭ আৰু ১৮ মাৰ্চত ভৰদৌল আৰু ১৯ মাৰ্চত পালন কৰা হ’ব সুঁৱেৰী বা ফাকুৱা ৷ যাৰ বাবে ইতিমধ্যে প্ৰস্তুতি প্ৰায় সম্পূৰ্ণ হৈ উঠিছে বৰপেটা সত্ৰত (Holi Preparation at Barpeta satra) ৷
হোলীগীতৰ সুৰৰ লহৰত দুপৰ নিশাও প্ৰাণৱন্ত বৰপেটা সত্ৰ