বৰপেটাৰউপায়ুক্তৰ কাৰ্যালয়ত চন্দ্ৰমোহন পাটোৱাৰীৰ বৈঠক

শুকুৰবাৰে মন্ত্ৰী চন্দ্ৰমোহন পাটোৱাৰীয়ে বৰপেটা জিলা উপায়ুক্তৰ কাৰ্যালয়ত অনুষ্ঠিত এখন পৰ্যালোচনা বৈঠকত অংশগ্ৰহণ কৰি জিলাখনত বৰ্তমানলৈ তেৰশ লোকক ক্যুৱাৰান্টাইন কৰোৱা হৈছে বুলি সদৰী কৰে ৷ এই লোকসকলৰ মাজত আছে বহিঃৰাষ্ট্ৰ চৌদি আৰৱ,বাহৰেইন, বাংলাদেশৰ লগতে বহিঃ ৰাজ্যৰ পৰা অহা বহু কেইজন লোক ৷

বৰপেটা, ২৭ মাৰ্চঃ বৰপেটা জিলাত বৰ্তমানলৈ তেৰশ লোকক ক্যুৱাৰান্টাইন কৰোৱা হৈছে ৷ ক্যুৱাৰান্টাইন কৰা লোকসকলৰ মাজত বহিঃৰাষ্ট্ৰ চৌদি আৰৱ,বাহৰেইন,বাংলাদেশৰ লগতে বহিঃ ৰাজ্যৰ পৰা অহা বহু কেইজন লোক ৷ বৰপেটা জিলা উপায়ুক্তৰ কাৰ্যালয়ত অনুষ্ঠিত এখন পৰ্যালোচনা বৈঠকত অংশগ্ৰহণ কৰি মন্ত্ৰী চন্দ্ৰমোহন পাটোৱাৰীয়ে সদৰী কৰে এই তথ্য ৷ কৰ'ণা ভাইৰাছত আক্ৰান্তৰ সন্দেহত বৰপেটাত ইতিমধ্যে 4 জন লোকৰ তেজ পৰীক্ষাও কৰা হৈছে ৷ দুজন লোকৰ পৰীক্ষাৰ ফলাফল নিগেটিভ ওলোৱাৰ বিপৰীতে আন দুজন লোকৰ পৰীক্ষাৰ ৰিপ'ৰ্ট বৰ্তমানলৈ অহা নাই ৷

উল্লেখ্য যে,বৰপেটা মেডিকেল কলেজ চিকিৎসালয়ত দুশতকৈয়ো অধিক বিচনাযুক্ত ক'ভিড ইউনিটৰ ব্যৱস্থা সম্পূৰ্ণ কৰি তোলা হৈছে ৷ এই সময়ত বৰপেটাত খাদ্য সামগ্ৰী আৰু ঔষধৰ যোগান পৰ্যাপ্ত থকা বুলিও জানিবলৈ দিয়ে মন্ত্ৰী গৰাকীয়ে ৷ লগতে লক ডাউন উলংঘা কৰা লোকৰ বিৰুদ্ধে আৰক্ষীক কঠোৰ হোৱাৰ আহ্বান মন্ত্ৰী পাটোৱাৰীৰ ৷

লগতে পঢ়কঃতলাবন্ধৰ মাজতে দৰঙৰ ছিপাঝাৰত চাঞ্চল্যকৰ ঘটনা