বৰপেটাৰোড,১৮ নবেম্বেৰ:বৰপেটাৰোড চহৰত বিগত ৩ বছৰে মাজে সময়ে এটা ষাঁড় গৰুৱে বিভিন্ন ঠাইত সন্ত্ৰাস সৃষ্টি কৰি আহিছিল(Bull Nuisance in Barpeta Road) ৷ এনেদৰে সন্ত্ৰাস চলোৱাৰ বাবে বৰপেটাৰোডত ষাড় গৰুটোক নাম দিয়া হৈছিল লকডাউন ৷ কাৰণ ষাঁড় গৰুটোৱে চহৰখনৰ যি স্থানলৈ যায় সেই স্থানতই সকলো দোকান-পোহাৰ সম্পূৰ্ণৰূপে বন্ধ কৰিবলগীয়া হয় ৷ ষাঁড় গৰুটোৱে মানুহ, দুচকীয়া, চাৰিচকীয়া বাহন সকলোতে আক্ৰমণ কৰি ভাঙি সন্ত্ৰাস চলাই আহিছিল(Bull tranquilized) ৷
ট্ৰেংকুলাইজ কৰিলে লকডাউনক
বৃহস্পতিবাৰে পুৱাৰে পৰা নিশালৈকে ষাঁড়টোৱে চহৰখনৰ বিভিন্ন প্ৰান্তত সন্ত্ৰাসৰ সৃষ্টি কৰি ৪ জনকৈ লোকক আহত কৰে । ইয়াৰে এজনৰ অৱস্থা শোচনীয় হোৱাৰ ফলত গুৱাহাটীৰ চিকিৎসালয়ত ভৰ্ত্তি কৰাই চিকিৎসা কৰি থকা হৈছে বুলি জানিব পৰা গৈছে ।