পৌৰসভা নিৰ্বাচনত বিজেপিৰ জয় নিশ্চিত: ভৱেশ কলিতা

পৌৰসভা নিৰ্বাচনক লৈ তৎপৰ হৈছে বিজেপি । বৰপেটা, বজালী আৰু বঙাইগাঁও জিলাত দলীয় কৰ্মকৰ্তাৰে সাংগঠনিক সভা বিজেপিৰ শীৰ্ষ নেতৃত্বৰ (BJPs organisational meeting in Barpeta)। বিজেপিৰ ৰাজ্যিক সভাপতি ভৱেশ কলিতাৰ দাবী পৌৰ সভা নিৰ্বাচনত জয়ী হ'ব দলটো । ৰাজ্যসভাৰ দুখন আসনো লাভ কৰিব বিজেপিয়ে ।

বৰপেটা, ২৮ জানুৱাৰী : ১০ মাৰ্চৰ পূৰ্বে ৰাজ্যত অনুষ্ঠিত হ'ব পৌৰসভা নিৰ্বাচন ৷ তাৰ বাবে শাসকীয় দল বিজেপিয়ে আৰম্ভ কৰিছে সাংগঠনিক তৎপৰতা ৷ যাৰ বাবে শুকুৰবাৰে বৰপেটা, বজালী আৰু বঙাইগাঁও জিলাত দলীয় কৰ্মকৰ্তাৰে সাংগঠনিক সভাত মিলিত হয় বিজেপিৰ ৰাজ্যিক সভাপতি ভৱেশ কলিতা (BJPs organisational meeting in Barpeta)৷

মন্ত্ৰী ৰণজিৎ কুমাৰ দাস, সাংসদ ভুৱনেশ্বৰ কলিতা, বিধায়ক ফণী তালুকদাৰসহ একাধিক নেতাই বৰপেটা জিলা বিজেপি কাৰ্যালয়ত দলীয় সভাত অংশ লয় । এই সভাতে বিজেপিৰ ৰাজ্যিক সভাপতি ভৱেশ কলিতাৰ দাবী পৌৰসভা নিৰ্বাচনতো বিজেপিয়েই জয়ী হ'ব ৷ ইপিনে পৌৰ নিৰ্বাচনত ৰাজ্যিক স্তৰত কোনো দলৰে সৈতে বিজেপিয়ে মিত্ৰতা নকৰে যদিও স্থানীয় পৰ্যায়ত আসনক লৈ মিত্ৰদলৰে কিছু বুজাপৰা হ'ব বুলিও মন্তব্য কৰে ভৱেশ কলিতাই ৷

ইয়াৰোপৰি ৰাজ্যসভাৰ দুয়োখন আসন বিজেপিয়ে লাভ কৰিব বুলিও দাবী কৰে ভৱেশ কলিতাই ৷ অসম প্ৰদেশ কংগ্ৰেছৰ সভাপতি ভূপেন বৰাৰ কবিতা আৰু ৰাণা গোস্বামীয়ে বিজেপিক ভোটাৰ ৰাইজে এতিয়া বিহলঙনীৰে জৰা-ফুকা কৰি খেদিব বুলি কোৱা মন্তব্য সম্পৰ্কতো প্ৰতিক্ৰিয়া প্ৰকাশ কৰে বিজেপিৰ ৰাজ্যিক সভাপতিগৰাকীয়ে ৷ বৰপেটাত একাংশ বিজেপি নেতাই বিদ্যালয় পৰিচালনা সমিতি গঠনক লৈ ধনৰ লেনদেন কৰাৰ অভিযোগক লৈ অৱশ্যে গা এৰা মন্তব্য কৰে ভৱেশ কলিতাই ৷

লগতে পঢ়ক :মেট্ৰিক-হাইমাদ্ৰাছা পৰীক্ষা সন্দৰ্ভত ছেবাৰ সৈতে আছুৰ বৈঠক