জনীয়া,১৩জুন: বৃহস্পতিবাৰে জনীয়া সমষ্টিৰ কলগাছিয়াত বিজেপিৰ এখন প্ৰস্তুতি সভা অনুষ্ঠিত হয় । ৰূপসী ব্লক বিজেপিৰ উদ্যোগত জনীয়া সমষ্টিত হ'বলগীয়া উপ নিৰ্বাচন সন্দৰ্ভত এই সভাখন অনুষ্ঠিত কৰা হয় । ৰূপসী মণ্ডলৰ সভাপতি চন্দ্ৰকান্ত আৰ্যৰ সভাপতিত্বত অনুষ্ঠিত এই প্ৰস্তুতি সভাত বিজেপিৰ সংখ্যালঘু মৰ্চাৰ ৰাজ্যিক সভাপতি মুকতাৰ হুছেইন খান, বৰপেটা জিলা বিজেপিৰ সভাপতি শংকৰ চন্দ্ৰ দাস, জিলা সংখ্যালঘু মৰ্চাৰ সভাপতি আমানুৰ ৰহমান খান প্ৰমুখ্যে সমষ্টিটোৰ কেবাশতাধিক বিজেপি কৰ্মী উপস্থিত থাকে । সভাত বিজেপিৰ সকলো প্ৰাৰ্থীৰ পৰা আৰম্ভ কৰি বিজেপি কৰ্মীসকল উপ নিৰ্বাচনত জনীয়া সমষ্টিৰ পৰা বিজেপি দলৰ প্ৰাৰ্থীক জয় কৰাৰ বাবে সংকল্পবদ্ধ হয় ।
কলগাছিয়াত বিজেপিৰ প্ৰস্তুতি সভা