জনীয়া, 13 অক্টোবৰঃ জনীয়া সমষ্টিত দেওবাৰে অনুষ্ঠিত কৰা হয় বিজেপি দলৰ উপ-নিৰ্বাচন কেন্দ্ৰীক এক বিশাল নিৰ্বাচনী প্ৰচাৰ সভা । সভাত মুখ্য অতিথি হিচাপে থকা বিজেপি দলৰ ৰাজ্যিক সভাপতি ৰঞ্জিত দাসে আহ্বান জনায় জনীয়া সমষ্টিৰ উপ নিৰ্বাচনত তৌফিকুৰ ৰহমান বুলি নহয় ৰঞ্জিৎ দাস বুলি ভোট দিয়ক । কাৰণ জনীয়া সমষ্টিৰ উন্নয়নৰ দায়িত্ব ৰঞ্জিৎ দাসৰ ওচৰত থাকিব বুলি উল্লেখ কৰে ।
ইপিনে উপ-নিৰ্বাচনত শূন্যত আউট হ'ব কংগ্ৰেছ আৰু ইউ ডি এফৰ তলাৰ চাবি বিজেপিৰ হাতত আছে বুলি কয় সেই তলা কেতিয়াও খোল নাখায় বুলি তাচ্ছিল্য কৰে ৷ সভাত বিজেপি প্ৰাৰ্থী তৌফিকুৰ ৰহমানে কয় যে, তেওঁক জিকাই দিলে কলগাছিয়াত মহকুমা, ষ্টেডিয়াম, গৰাখহনীয়াৰ স্থায়ী প্ৰতিৰোধ, জনীয়া সমষ্টিৰ উঠি অহা নৱ প্ৰজন্মক কলা-কৃষ্টিৰ ক্ষেত্ৰত আগুৱাই নিয়াৰ স্বাৰ্থত ৰংগমঞ্চ, 'ডি' ভোটৰ সমস্যাৰ সমাধান, ৰাস্তা-ঘাট পকীকৰণৰ লগতে জনীয়া সমষ্টিবাসীক সদায় কাষত পাবলৈ জনীয়াত স্থায়ীভাৱে থাকিবলৈ ঘৰ বনোৱাৰ প্ৰতিশ্ৰুতি প্ৰদান কৰে ।