বৰপেটা,6 এপ্ৰিল : তৃতীয় পৰ্যায়ৰ নিৰ্বাচনৰ দিনাই ভোট বৰ্জন কৰিছে বৰপেটাৰ বিষ্ণুপুৰ গাঁওবাসীয়ে ৷ জানিব পৰা মতে, 47 নং চেঙা বিধানসভা সমষ্টিৰ অন্তৰ্গত বিষ্ণুপুৰ গাঁওৰ ভোটকেন্দ্ৰ স্থানীয় 180 নং বাৰা নিন্ম বুনিয়াদী বিদ্যালয়ত আছিল যদিও শেহতীয়াকৈ কেন্দ্ৰটো 530 নং বৰবিলা প্ৰাথমিক বিদ্যালয়লৈ স্থানান্তৰিত কৰা হৈছে ।
বিষ্ণুপুৰ গাঁওবাসীৰ ভোট বৰ্জন
স্বাধীনতাৰ কালৰে পৰা চলি থকা ভোটকেন্দ্ৰটো স্থানান্তৰিত কৰাৰ ক্ষেত্ৰত তীব্ৰ অসন্তুষ্টি প্ৰকাশ কৰি পূৰ্বৰ স্থানতে কেন্দ্ৰটো বাহাল ৰখাৰ দাবীত বিষ্ণুপুৰ গাঁওবাসীয়ে ইতিমধ্যে জিলা উপায়ুক্তক লিখিতভাৱে জনাইছিল যদিও কোনো সুফল লাভ নকৰিলে । ইয়াৰ পৰিপ্ৰেক্ষিতত সমগ্ৰ গাঁওবাসীয়ে 180 নং বাৰা নিন্ম বুনিয়াদী প্ৰাথমিক বিদ্যালয়ৰ সন্মুখত একত্ৰিত হৈ ভোট বৰ্জন কাৰ্যসূচী ৰূপায়ণ কৰে ।