বৰপেটা, 17 মে’ :1489 শকত নাৰায়ণপুৰৰ লেতেকুপুখুৰীত জন্ম গ্ৰহণ কৰা মহাপুৰুষ মাধৱদেৱৰ আজি 533 সংখ্যক আবিৰ্ভাৱ তিথি (birth anniversary of Mahapurusha Madhab deva) ৷ সেই উদ্দেশ্যে মহাপুৰুষ মাধৱদেৱ গুৰুজনাই স্থাপন কৰা ঐতিহ্যমণ্ডিত বৰপেটা সত্ৰত তিনিদিনিয়া কাৰ্যসূচীৰে পালন অনুষ্ঠিত কৰা হৈছে মাধৱদেৱ গুৰুজনাৰ আবিৰ্ভাৱ মহোৎসৱ (Madhab deva birth anniversary in Barpeta satra)৷
মহাপুৰুষ জনাই স্থাপন কৰা দ্বাৰকা মথুৰা সদৃশ বৰপেটা সত্ৰত পুৱাৰ নিত্য প্ৰসংগৰ সৈতে নৈমিত্তিক প্ৰসংগত ভাগ লয় ভকতসকলে ৷ পুৱাৰ নাম-প্ৰসংগৰ পাচতে ভাগৱত ভ্ৰমণৰ কাৰ্যসূচীও হাতত লৈছে বৰপেটা সত্ৰত পৰিচালনা সমিতিয়ে ৷ উল্লেখ্য যে, বৰপেটা সত্ৰৰ চৌদিশ এতিয়া নাম প্ৰসংগ, হৰিনাম, কীৰ্তনৰ অমিয়া সুৰেৰে মুখৰিত হৈ পৰিছে ৷