কলগাছিয়াত ভূমি কেন্দ্ৰিক সংঘাতঃ এজনৰ মৃত্যু

অবৈধ বালি খননক কেন্দ্ৰ কৰি কলগাছিয়াৰ কৰাৰকুৰত শুকুৰবাৰে সংঘটিত ভূমি কেন্দ্ৰিক বিবাদ ৷ নিহত এজন

কলগাছিয়া, 1 ফেব্ৰুৱাৰীঃকলগাছিয়াৰ কৰাৰকুৰত শুকুৰবাৰে সংঘটিত হয় ভূমি কেন্দ্ৰিক বিবাদ ৷ ঘটনা সন্দৰ্ভত জানিব পৰা মতে , অবৈধ বালি খননক কেন্দ্ৰ কৰি এটা পৰিয়ালৰ দুই ফৈদৰ মাজত হোৱা সংঘাতত দুজন লোক গুৰুতৰভাৱে আহত হয় ৷ আহত লোক দুজন হাবেজ উদ্দীন (৫৫) আৰু হানিফ আলী (৬২) । আহত হাবেজ উদ্দীন আৰু হানিফ আলী বৰপেটা মেডিকেল কলেজলৈ প্ৰেৰণ কৰা হয় যদিও আধাবাটতেই হাবেজ উদ্দীনৰ মৃত্যু হয়।আনহাতে, সংকটজনক অৱস্থাত হানিফ আলীক গুৱাহাটী মেডিকেল কলেজ হাস্পাতাললৈ প্ৰেৰণ কৰা হয় ৷

ইপিনে, ঘটনা সংঘটিত কৰি মূল অভিযুক্ত হাজি আছুৰ উদ্দিন আৰু বিল্লাল হুছেইনে ঘটনাস্থলীৰ পৰা পলায়ন কৰে ৷ উক্ত ঘটনা সন্দৰ্ভত ভূক্তভোগী পৰিয়ালে কলগাছিয়া আৰক্ষী থানাত গোচৰ ৰুজু কৰিছে ৷ উল্লেখ্য যে, দীৰ্ঘ দিনৰ পৰাই কৰাৰকুৰত চলি আছে অবৈধ বালি খনন।