ইটিভিৰ বাতৰিৰ পাচতেই গৰাখহনীয়া অঞ্চল পৰিদৰ্শন জনীয়াৰ বিধায়কৰ

ইটিভি ভাৰতৰ বাতৰিৰ প্ৰভাৱ । বেঁকী নৈৰ প্ৰৱল গৰাখহনীয়াৰ বাতৰি প্ৰচাৰ হোৱাৰ পাচতেই গৰাখহনীয়া অঞ্চল পৰিদৰ্শন জনীয়া সমষ্টিৰ বিধায়ক ড৹ হাফিজ ৰফিকুল ইছলামৰ । জনীয়া সমষ্টিৰ বলাইপাথাৰ আৰু ইছব বজাৰত বেঁকী নৈৰ ব্যাপক গৰাখহনীয়া অঞ্চল পৰিদৰ্শন বিধায়কগৰাকীৰ ৷

জনীয়া, 29 মে' : বেকী নদীৰ তীব্ৰ গৰাখহনীয়াৰ বাতৰি ই টিভি ভাৰতত সম্প্ৰচাৰ হোৱা পাচতেই উক্ত অঞ্চল পৰিদৰ্শন কৰে জনীয়া সমষ্টিৰ বিধায়ক ড৹ হাফিড ৰফিকুল ইছলামে ৷ উল্লেখ্য যে, বৰপেটা জিলাৰ জনীয়া বলাইপাথাৰ আৰু ইছব বজাৰত বেঁকী নৈৰ গৰাখহনীয়াই ৫ টাকৈ পৰিয়ালৰ মাটি-ভেটি উচন হৈ পথৰ ওপৰত আশ্ৰয় গ্ৰহণ কৰাৰ বাতৰি বিস্তৃতভাৱে সম্প্ৰচাৰ হোৱাৰ পাছতেই শনিবাৰে উক্ত স্থান পৰিদৰ্শন কৰি পৰিস্থিতিৰ বুজ লয় বিধায়কগৰাকীয়ে ৷

সাংবাদিকৰে হোৱা সাক্ষাৎকাৰত বিভাগীয় মন্ত্ৰী পীষুয হাজাৰিকাৰ সৈতে বেঁকী নৈৰ প্ৰৱল গৰাখহনীয়াৰ কথা অৱগত কৰি গৰাখহনীয়া প্ৰতিৰোধৰ বাবে দাবী কৰিছে বুলি জানিবলৈ দিয়ে জনীয়াৰ বিধায়কগৰাকীয়ে ৷

উল্লেখ্য যে, শনিবাৰৰ দিনটোত জনীয়াৰ কামাৰপৰা আৰু মিনিশিমলাত বেঁকী নৈৰ ব্যাপক গৰাখহনীয়া অব্যাহত আছে । শনিবাৰৰ দিনটোতো কেইবাটাও পৰিয়ালৰ মাটি-ভেটি উচন হোৱাত নিৰাপদ স্থানলৈ স্থানন্তৰ হ’ব লগা হয় পৰিয়াল কেইটা ৷ জনীয়াৰ সমষ্টিৰ কাউৰজাহী গাঁৱতো আৰম্ভ হৈছে বেঁকী নৈৰ তীব্ৰ গৰাখহনীয়া । ঘৰ-দুৱাৰ, মাটি-সম্পত্তি হেৰুৱাই সৰ্বহাৰা হৈ পৰিছে শতাধিক লোক । ইতিমধ্যে বেঁকী নৈৰ গৰাখহনীয়াই কালৰূপ ধাৰণ কৰি কাচুকাটি, খাৰবাল্লী, ডাউকমাৰী, মোৱামাৰী আদি গাঁওসমূহৰ অধিকাংশ উটুৱাই লৈ গৈছে বেকী নদীয়ে ৷

লগতে পঢ়ক :অনাহাৰে দিন পাৰ কৰিছে হোম-কোৱাৰেন্টাইনত আৱদ্ধ চাহ শ্ৰমিকে