বৰপেটা ২৪ মাৰ্চ: শেহতীয়াকৈ প্ৰায় প্ৰতিদিনেই আলফা (স্বাঃ) লৈ ধাৱমান অসমীয়া যুৱক (Assamese youth joining ULFA) । শেহতীয়াকৈ নামনি আৰু উজনি অসমৰ মুঠ ৫ জনকৈ যুৱক ম্যানমাৰস্থিত আলফা (স্বাঃ)ৰ শিৱিৰত উপস্থিত হোৱাৰ তথ্য পোহৰলৈ আহিছিল বুধবাৰে । এই ৫ যুৱকৰ ভিতৰত এজন বৰপেটাৰ ধনজিৎ দাস । বৰপেটাৰ গান্ধী নগৰৰ বাসিন্দা ধনজিতৰ ঘৰখনত এতিয়া কান্দোনৰ ৰোল (barpeta youth joins ulfa ) ।
বৰপেটাৰ ধনজিৎ দাসৰ আলফাত যোগদান
৪ বছৰীয়া সন্তানকলৈ চকুলো টুকিছে ধনজিতৰ পত্নীয়ে । পিছে পত্নী আৰু সন্তানক এৰি থৈ কি কাৰণত আলফাত যোগদান কৰিলে তাক লৈ পত্নীৰ চকুত চকুপানী ৷ ঘৰুৱা আৰ্থিক অৱস্থা অতিকে বেয়া পৰিয়ালটোৰ ৷ বৰপেটা চহৰৰ এখন কাপোৰৰ দোকানত থাকি পৰিয়াল পোহপাল দি আছিল ধনজিৎ দাসে ৷ ৪ বছৰীয়া পুত্ৰ সন্তানটোৰ অসুস্থতাৰ বাবে বিগত প্ৰায় ডেৰমাহমান ধনজিৎ দাসৰ পত্নীয়ে পিতৃৰ ঘৰত আছিলগৈ ৷