বৰপেটাৰ সৰভোগত সংঘটিত চুৰিকাণ্ড

বৰপেটা জিলাৰ সৰভোগ আৰক্ষী থানাৰ অন্তৰ্গত গেল্লেপাৰা গাঁওত চুৰিকাণ্ড ৷ গাঁওখনৰ এজন ব্যক্তিৰ বাসগৃহত ৰাতি চোৰে চলালে লুটপাত ৷

বৰপেটা, 9 ছেপ্তেম্বৰঃ বৰপেটা জিলাৰ সৰভোগ আৰক্ষী থানাৰ অন্তৰ্গত গেল্লেপাৰা গাঁওত সংঘটিত হয় চাঞ্চল্যকৰ চুৰিকাণ্ডৰ ঘটনা ৷ ঘৰত কোনো লোক নথকাৰ সুযোগ লৈ গাঁওখনৰ ৰকিবুল আমিন নামৰ এজন ব্যক্তিৰ বাসগৃহত চোৰে প্ৰৱেশ কৰি লুটি নিয়ে বহু মূল্যৱান সা-সামগ্ৰী ৷ ৰকিবুল আমিনে সপৰিয়ালে ভূপেন হাজৰিকাৰ জন্ম জয়ন্তী অনুষ্ঠান উপভোগ কৰিবলৈ সৰভোগলৈ গৈছিল,কিন্তু অনুষ্ঠানৰ পৰা আহি ঘৰত চোৰে প্ৰৱেশ কৰা বুলি উমান পায় ৷ ব্যক্তিজনৰ তথ্যানুসৰি চোৰে ঘৰৰ দুৱাৰ চিপৰাঙৰে ভাঙি আলমাৰীৰ চন্দুকৰ পৰা 16000 টকা লুটি নিয়ে ৷ সৰভোগ আৰক্ষীয়ে ইতিমধ্যে পৰিয়ালটোৰ বাসগৃহত উপস্থিত হৈছে ।