দৌল মহোৎসৱক লৈ তৎপৰ বৰপেটা প্ৰশাসন

তৃতীয় পৰ্যায়ত অনুষ্ঠিত হ’বলগীয়া নিৰ্বাচন আৰু সত্ৰনগৰী বৰপেটাৰ দৌল মহোৎসৱক লৈ বৰপেটা আৰক্ষী প্ৰশাসনে আৰম্ভ কৰিছে ব্যাপক নিৰাপত্তামূলক ব্যৱস্থা ৷ চহৰখনৰ আইন-শৃংখলা বজাই ৰখাৰ বাবেই প্ৰশাসনে আৰম্ভ কৰিছে ব্যাপক নিৰাপত্তামূলক ব্যৱস্থা ৷

বৰপেটা 27 মাৰ্চ:বৰপেটাত নিৰ্বাচনৰ সমান্তৰালভাৱে আৰম্ভ হৈছে বৰপেটাবাসীৰ প্ৰাণৰ দৌল মহোৎসৱ ৷ বৰপেটাত তৃতীয় পৰ্যায়ত অনুষ্ঠিত হ’বলগীয়া নিৰ্বাচন আৰু সত্ৰনগৰী বৰপেটাৰ দৌল মহোৎসৱক লৈ বৰপেটা আৰক্ষী প্ৰশাসনে আৰম্ভ কৰিছে ব্যাপক নিৰাপত্তামূলক ব্যৱস্থা ৷

নিৰ্বাচন আৰু দৌল মহোৎসৱৰ সময়ছোৱাত চহৰখনত যাতে কোনো ধৰণৰ আইন শৃংখলাজনিত পৰিস্থিতিৰ সৃষ্টি নহয়, তাৰ বাবে আৰক্ষী, চিআৰপিএফ আৰু আই পি বি এনৰ জোৱানসকলে ভাগ ললে বৰপেটা চহৰৰ এৰিয়া ডমিনেছনত ৷ নিৰ্বাচনটো যাতে শান্তিপূৰ্ণভাৱে অনুষ্ঠিত হয় তাৰ বাবেই চহৰখনত এনেদৰে এৰিয়া ডমিনেছনত ভাগ ল’লে আৰক্ষী আৰু চিআৰপিএফৰ লগতে আইপিবিএনৰ জোৱানসকলে বিশেষ ব্যৱস্থা গ্ৰহণ কৰিছে ৷

ইপিনে দৌল মহোৎসৱত বৰপেটা সত্ৰত সমবেত হ’বলগা লোকসকলৰ নিৰাপত্তাৰ দিশটোৰ ওপৰতো গুৰুত্ব আৰোপ কৰিছে আৰক্ষী প্ৰশাসনে ৷ দৌল মহোৎসৱৰ সময়ত নিৰাপত্তাৰ বাবে গ্ৰহণ কৰিবলগীয়া দিশ সম্পৰ্কে সত্ৰ পৰিচালনা সমিতিৰ সৈতে আলোচনা কৰা হৈছে বুলি জিলা আৰক্ষী অধীক্ষকে জানিবলৈ দিয়ে ৷ ইতিমধ্যে সত্ৰ চৌহদৰ নিৰাপত্তাৰ দিশটোৰ ওপৰত বিশেষ গুৰুত্ব আৰোপ কৰি চিচি কেমেৰা সংলগ্ন কৰাৰ ব্যৱস্থা গ্ৰহণ কৰিছে বৰপেটা সত্ৰ পৰিচালনা সমিতিয়ে ৷

লগতে পঢ়ক:পুৱাই শিৱসাগৰৰ ভোট কেন্দ্ৰত ভোটাৰৰ দীঘলীয়া শাৰী