বৰপেটাৰ মন্দিয়াত কৃষক সভাৰ প্ৰতিবাদ

বান-সাহাৰ্য বিতৰণৰ ক্ষেত্ৰত চৰকাৰৰ বৈষম্যমূলক আচৰণৰ অভিযোগ ৷ সংখ্যালঘু অঞ্চলৰ তুলনাত সংখ্যাগুৰু অধ্যুষিত অঞ্চল সমুহত পৰ্যাপ্ত পৰিমানে বান-সাহাৰ্য বিতৰণ ৷

বৰপেটা, ২১ আগষ্টঃ সংখ্যালঘু সম্প্ৰদায়ৰ বানপীড়িত লোকসকলক সাহাৰ্য প্ৰদানৰ ক্ষেত্ৰত চৰকাৰে বৈষম্যমূলক আচৰণ কৰা বুলি অভিযোগ তুলি বৰপেটাৰ মন্দিয়া আৰু জনীয়া আঞ্চলিক কৃষক সভাই বুধবাৰে মন্দিয়াত অৱস্থান ধৰ্মঘট কাৰ্যসূচী ৰূপায়ন কৰে ৷ কৃষক সভাৰ অভিযোগ, এইবছৰ বানত সৰ্বস্বান্ত হোৱা বৰপেটা জিলাৰ কেইবা লক্ষাধিক লোকৰ মাজত চৰকাৰে সাহাৰ্য প্ৰদান কৰিছিল যদিও সংখ্যালঘু অঞ্চলৰ তুলনাত সংখ্যাগুৰু অধ্যুষিত অঞ্চল সমুহত পৰ্যাপ্ত পৰিমানে বান-সাহাৰ্য বিতৰণ কৰিছে চৰকাৰে ৷ বৰপেটা জিলা কৃষক সভাৰ নেতৃত্বৰ শতাধিক কৃষকে অংশগ্ৰহণ কৰা প্ৰতিবাদী কাৰ্যসূচীৰ জৰিয়তে সৰ্বস্বান্ত কৃষক সকলক বিনামূলীয়া বীজ, সাৰ আদি যোগান ধৰিবলৈ চৰকাৰৰ ওচৰত দাবী উত্থাপন কৰে ৷